Першая ракетка свету завяршыла выступленне на US Open

5 верасня, Мінск /Кар. БЕЛТА/. Першая ракетка планеты полька Іга Свёнтак завяршыла выступленне на адкрытым чэмпіянаце ЗША па тэнісе, паведамляе карэспандэнт БЕЛТА.

У заключным чвэрцьфінале польская тэнісістка нечакана прайграла ў двух сэтах шостаму нумару рэйтынгу WTA амерыканцы Джэсіцы Пегуле - 2:6, 4:6. У паядынку за выхад у фінал амерыканка будзе сапернічаць з чэшскай тэнісісткай Каралінай Мухавай (52-і нумар сусветнага рэйтынгу). У другім паўфінальным матчы другая ракетка планеты беларуска Арына Сабаленка сустрэнецца з амерыканскай тэнісісткай Эмай Навара (12), якая ў 1/8 фіналу выбіла з турніру дзеючую пераможцу US Open амерыканку Коры Гаўф (3).

Мінулагодні трыумфатар мужчынскага турніру серб Новак Джокавіч (2) зачахліў ракетку ў 1/16 фіналу, уступіўшы прадстаўніку Аўстраліі Аляксею Папырыну (28). Першы нумар сусветнага рэйтынгу італьянскі тэнісіст Янік Сінер згуляе ў паўфінале з брытанцам Джэкам Дрэйперам (25), а ў другім паўфінале сустрэнуцца амерыканскія тэнісісты Тэйлар Фрыц (12) і Фрэнсіс Ціяфа (20).  

Агульны прызавы фонд US Open - 2024 складае рэкордныя $75 млн, пераможцы ў мужчынскім і жаночым адзіночным разрадзе заробяць па $3,6 млн.-0-