Фота НАК Беларусі
25 верасня, Мінск /Кар. БЕЛТА/. У Нацыянальным алімпійскім камітэце адбылася цырымонія ўшаноўвання медалістаў VIII летніх Міжнародных спартыўных гульняў "Дзеці Азіі", паведамляе карэспандэнт БЕЛТА.
Спаборніцтвы праходзілі ў Якуцку з 25 чэрвеня па 7 ліпеня. Нашу краіну прадставілі 142 юныя атлеты ва ўзросце да 16 гадоў у 12 відах спорту. Усяго беларусы заваявалі 78 медалёў - 27 залатых, 21 сярэбраны і 30 бронзавых. Сёння Прэзідэнт НАК Беларусі Віктар Лукашэнка ўручыў грашовыя сертыфікаты пераможцам і прызёрам Гульняў, а таксама трэнерам, якія рыхтавалі юнакоў і дзяўчат да форуму. Міністр спорту і турызму Сяргей Кавальчук узнагародзіў граматамі членаў выкладчыцкага і медыцынскага персаналу каманд.
"Гэтыя перамогі здарыліся некалькі месяцаў таму, але ўспаміны ўсё яшчэ свежыя, - адзначыў кіраўнік НАК. - Нашы ўдзельнікі зрабілі вельмі сур'ёзнае дасягненне - у сваім юным узросце яны выступалі пад нацыянальным сцягам і дастойна прадставілі краіну. Для многіх гэта былі першыя міжнародныя спаборніцтвы. У зоне вечнай мерзлаты юнакі і дзяўчаты адчувалі цяпло беларускіх сэрцаў, і гэта падтрымка з дому ў тым ліку дапамагла перамагчы. Упэўнены, мы яшчэ ўбачым нашых атлетаў на алімпійскіх і сусветных п'едэсталах і будзем успамінаць гэтыя Гульні як першы крок на шляху да вяршынь спорту".
"Паказчыкі беларускай каманды сведчаць аб вельмі вялікім патэнцыяле нашага спорту, выбудаваная сістэма пры правільным падыходзе і падрыхтоўцы прывядзе да высокіх рэзультатаў, - лічыць Сяргей Кавальчук. - Юнакі і дзяўчаты пераадолелі тысячы кіламетраў, але нават у абсалютна новых кліматычных умовах і ў іншым часавым поясе выступілі выдатна. Яны вялікія малайцы. Хачу сказаць дзякуй трэнерам, якія прывілі падапечным правільнае стаўленне да справы, а таксама бацькам, якія падтрымліваюць дзяцей на пачатковым этапе спартыўнай кар'еры".
Чатырохразовымі чэмпіёнамі VIII летніх Гульняў "Дзеці Азіі" сталі бегуны Андрэй Літвіновіч (400 м, 4х100 м, 4х400 м, эстафета дружбы) і Ганна Арлоўская (100 м, 200 м, 4х100 м, 4х400 м), тры залатыя ўзнагароды выйграў плывец Раман Гальмак (4х100 м, 50 м в/с, 4х50 м).
"Мы былі вельмі рады прыняць удзел на такіх буйных міжнародных спаборніцтвах. Кожны з нас пастараўся паказаць свой максімум, і, мне здаецца, гэта атрымалася. Дзякуй краіне за падтрымку, - сказала Ганна Арлоўская. - Гэты старт даў нам яшчэ і магчымасць пазнаёміцца з удзельнікамі з іншых краін, абмяняцца вопытам. Упэўнена, гэта толькі пачатак і наперадзе ў нас яшчэ шмат перамог".
Больш за ўсё медалёў форуму ў камандную скарбонку прынеслі лёгкаатлеты (13-7-8) і плыўцы (6-8-6), таксама нашы спартсмены паднімаліся на п'едэстал у тхэквандо, спартыўнай барацьбе, дзюдо, боксе, мастацкай гімнастыцы, валейболе, баскетболе 3х3, настольным тэнісе, стральбе з лука і кулявой стральбе.
"Гэты турнір быў для нас паказальным, у сённяшняй няпростай абстаноўцы было важна паглядзець на юнакоў і дзяўчат менавіта ў спаборніцкай атмасферы, як яны вытрымаюць канкурэнцыю і такую доўгую паездку. Лічу, такія старты трэба праводзіць пастаянна, каб дзеці разумелі, што адбываецца ў іх відзе спорту, - падзяліўся меркаваннем трэнер каманды па баскетболе 3х3 Аляксей Лашкевіч. - Унутраная канкурэнцыя ў камандзе была вельмі сур'ёзнай, мы выбіралі з двух дзясяткаў кандыдатаў у зборную. Практычна да канца не было зразумела, хто паедзе, паколькі баскетбол 3х3 - гэта не 12 чалавек у складзе, а ўсяго чатыры".
У агульным медальным заліку VIII летніх Гульняў "Дзеці Азіі" каманда Беларусі заняла трэцяе месца ўслед за зборнымі Узбекістана і Сібірскай федэральнай акругі. Усяго на п'едэстал паднімаліся прадстаўнікі 17 краін.-0-
Спаборніцтвы праходзілі ў Якуцку з 25 чэрвеня па 7 ліпеня. Нашу краіну прадставілі 142 юныя атлеты ва ўзросце да 16 гадоў у 12 відах спорту. Усяго беларусы заваявалі 78 медалёў - 27 залатых, 21 сярэбраны і 30 бронзавых. Сёння Прэзідэнт НАК Беларусі Віктар Лукашэнка ўручыў грашовыя сертыфікаты пераможцам і прызёрам Гульняў, а таксама трэнерам, якія рыхтавалі юнакоў і дзяўчат да форуму. Міністр спорту і турызму Сяргей Кавальчук узнагародзіў граматамі членаў выкладчыцкага і медыцынскага персаналу каманд.
"Гэтыя перамогі здарыліся некалькі месяцаў таму, але ўспаміны ўсё яшчэ свежыя, - адзначыў кіраўнік НАК. - Нашы ўдзельнікі зрабілі вельмі сур'ёзнае дасягненне - у сваім юным узросце яны выступалі пад нацыянальным сцягам і дастойна прадставілі краіну. Для многіх гэта былі першыя міжнародныя спаборніцтвы. У зоне вечнай мерзлаты юнакі і дзяўчаты адчувалі цяпло беларускіх сэрцаў, і гэта падтрымка з дому ў тым ліку дапамагла перамагчы. Упэўнены, мы яшчэ ўбачым нашых атлетаў на алімпійскіх і сусветных п'едэсталах і будзем успамінаць гэтыя Гульні як першы крок на шляху да вяршынь спорту".
"Паказчыкі беларускай каманды сведчаць аб вельмі вялікім патэнцыяле нашага спорту, выбудаваная сістэма пры правільным падыходзе і падрыхтоўцы прывядзе да высокіх рэзультатаў, - лічыць Сяргей Кавальчук. - Юнакі і дзяўчаты пераадолелі тысячы кіламетраў, але нават у абсалютна новых кліматычных умовах і ў іншым часавым поясе выступілі выдатна. Яны вялікія малайцы. Хачу сказаць дзякуй трэнерам, якія прывілі падапечным правільнае стаўленне да справы, а таксама бацькам, якія падтрымліваюць дзяцей на пачатковым этапе спартыўнай кар'еры".
Чатырохразовымі чэмпіёнамі VIII летніх Гульняў "Дзеці Азіі" сталі бегуны Андрэй Літвіновіч (400 м, 4х100 м, 4х400 м, эстафета дружбы) і Ганна Арлоўская (100 м, 200 м, 4х100 м, 4х400 м), тры залатыя ўзнагароды выйграў плывец Раман Гальмак (4х100 м, 50 м в/с, 4х50 м).
"Мы былі вельмі рады прыняць удзел на такіх буйных міжнародных спаборніцтвах. Кожны з нас пастараўся паказаць свой максімум, і, мне здаецца, гэта атрымалася. Дзякуй краіне за падтрымку, - сказала Ганна Арлоўская. - Гэты старт даў нам яшчэ і магчымасць пазнаёміцца з удзельнікамі з іншых краін, абмяняцца вопытам. Упэўнена, гэта толькі пачатак і наперадзе ў нас яшчэ шмат перамог".
Больш за ўсё медалёў форуму ў камандную скарбонку прынеслі лёгкаатлеты (13-7-8) і плыўцы (6-8-6), таксама нашы спартсмены паднімаліся на п'едэстал у тхэквандо, спартыўнай барацьбе, дзюдо, боксе, мастацкай гімнастыцы, валейболе, баскетболе 3х3, настольным тэнісе, стральбе з лука і кулявой стральбе.
"Гэты турнір быў для нас паказальным, у сённяшняй няпростай абстаноўцы было важна паглядзець на юнакоў і дзяўчат менавіта ў спаборніцкай атмасферы, як яны вытрымаюць канкурэнцыю і такую доўгую паездку. Лічу, такія старты трэба праводзіць пастаянна, каб дзеці разумелі, што адбываецца ў іх відзе спорту, - падзяліўся меркаваннем трэнер каманды па баскетболе 3х3 Аляксей Лашкевіч. - Унутраная канкурэнцыя ў камандзе была вельмі сур'ёзнай, мы выбіралі з двух дзясяткаў кандыдатаў у зборную. Практычна да канца не было зразумела, хто паедзе, паколькі баскетбол 3х3 - гэта не 12 чалавек у складзе, а ўсяго чатыры".
У агульным медальным заліку VIII летніх Гульняў "Дзеці Азіі" каманда Беларусі заняла трэцяе месца ўслед за зборнымі Узбекістана і Сібірскай федэральнай акругі. Усяго на п'едэстал паднімаліся прадстаўнікі 17 краін.-0-
Падпісвайцеся на нас у
