Фота з архіва
28 лістапада, Мінск /Кар. БЕЛТА/. Аляксей Протас, Ягор Шаранговіч і Аляксей Коласаў правялі чарговыя матчы ў рэгулярным чэмпіянаце Нацыянальнай хакейнай лігі, паведамляе карэспандэнт БЕЛТА.
У ноч на пятніцу "Вашынгтон" Аляксея Протаса гасцяваў у "Тампы-Бэй". У сярэдзіне другога перыяду беларускі нападаючы "Кэпіталз" вызначыўся голам у меншасці. Паядынак у выніку закончыўся перамогай сталічнага клуба з лікам 5:4. У гэтым сезоне ў актыве Протаса 20 ачкоў (8+12) у 22 матчах сезона. Наступную гульню "Вашынгтон", які ідзе трэцім на Усходзе, правядзе заўтра супраць "Нью-Ёрк Айлендэрс".
Таксама сёння "Калгары" Ягора Шаранговіча на выездзе сустракаўся з "Дэтройтам". У канцы трэцяга перыяду беларускі форвард рэалізаваў большасць, дзякуючы чаму "Флэймз" перавялі матч у авертайм, дзе ўсё ж уступілі - 1:2. Ягор прадоўжыў рэзультатыўную серыю да чатырох гульняў, усяго ў бягучай "рэгулярцы" ў яго 7 (5+2) ачкоў у 16 паядынках. Далей "Калгары", які займае чацвёртае месца ў Заходняй канферэнцыі, чакае суботняя сустрэча з "Каламбусам".
У яшчэ адным матчы дня "Філадэльфія" ў гасцях абыграла "Нэшвіл" (3:2 у авертайме). Вараты "лётчыкаў" у гэтай гульні абараняў беларускі галкіпер Аляксей Коласаў, які запісаў у свой актыў 25 сейваў. Гэта перамога стала для Коласава другой у НХЛ, у сярэднім Аляксей адбівае 88,5 працэнта кідкоў і прапускае тры шайбы за матч. Увечары 29 кастрычніка "Флаерз" прымуць "Нью-Ёрк Рэйнджэрс", цяпер каманда рухаецца 10-й ва Усходняй канферэнцыі.-0-
У ноч на пятніцу "Вашынгтон" Аляксея Протаса гасцяваў у "Тампы-Бэй". У сярэдзіне другога перыяду беларускі нападаючы "Кэпіталз" вызначыўся голам у меншасці. Паядынак у выніку закончыўся перамогай сталічнага клуба з лікам 5:4. У гэтым сезоне ў актыве Протаса 20 ачкоў (8+12) у 22 матчах сезона. Наступную гульню "Вашынгтон", які ідзе трэцім на Усходзе, правядзе заўтра супраць "Нью-Ёрк Айлендэрс".
Таксама сёння "Калгары" Ягора Шаранговіча на выездзе сустракаўся з "Дэтройтам". У канцы трэцяга перыяду беларускі форвард рэалізаваў большасць, дзякуючы чаму "Флэймз" перавялі матч у авертайм, дзе ўсё ж уступілі - 1:2. Ягор прадоўжыў рэзультатыўную серыю да чатырох гульняў, усяго ў бягучай "рэгулярцы" ў яго 7 (5+2) ачкоў у 16 паядынках. Далей "Калгары", які займае чацвёртае месца ў Заходняй канферэнцыі, чакае суботняя сустрэча з "Каламбусам".
У яшчэ адным матчы дня "Філадэльфія" ў гасцях абыграла "Нэшвіл" (3:2 у авертайме). Вараты "лётчыкаў" у гэтай гульні абараняў беларускі галкіпер Аляксей Коласаў, які запісаў у свой актыў 25 сейваў. Гэта перамога стала для Коласава другой у НХЛ, у сярэднім Аляксей адбівае 88,5 працэнта кідкоў і прапускае тры шайбы за матч. Увечары 29 кастрычніка "Флаерз" прымуць "Нью-Ёрк Рэйнджэрс", цяпер каманда рухаецца 10-й ва Усходняй канферэнцыі.-0-
Падпісвайцеся на нас у
