13 красавіка, Мінск /Кар. БЕЛТА/. У штаб-кватэры УЕФА ў швейцарскім Ньёне завяршылася жараб'ёўка паўфінальнай стадыі футбольнай Лігі чэмпіёнаў, паведамляе карэспандэнт БЕЛТА.
Дзеючы пераможца галоўнага турніру Старога Свету мадрыдскі "Рэал" у барацьбе за выхад у фінал паспрачаецца з мюнхенскай "Баварыяй". Другую паўфінальную пару склалі англійскі "Ліверпуль" і італьянская "Рома".
Першыя паўфіналы пройдуць 24 і 25 красавіка, у адказ - 1 і 2 мая. Фінал Лігі чэмпіёнаў 26 мая прыме стадыён "Алімпійскі" ў Кіеве.-0-