ДЗЯРЖОРГАНЫДЗЯРЖОРГАНЫ
Аўторак, 22 верасня 2020
Мінск Ясна +14°C
Усе навіны
Усе навіны
Спорт
13 жніўня 2020, 10:40

"Пары Сен-Жэрмен" на апошніх мінутах атрымаў валявую перамогу над "Аталантай" і выйшаў у паўфінал Лігі чэмпіёнаў

Фота "Пары Сен-Жэрмен"
Фота "Пары Сен-Жэрмен"

13 жніўня, Мінск /Кар. БЕЛТА/. У Лісабоне пачаўся заключны этап футбольнай Лігі чэмпіёнаў. Першым удзельнікам паўфіналу стаў французскі "Пары Сен-Жэрмен", якія атрымаў валявую вікторыю над італьянскай "Аталантай" - 2:1, паведамляе карэспандэнт БЕЛТА.

У першым тайме стартавага чвэрцьфінальнага паядынку "Аталанта" выйшла наперад на 27-й мінуце пасля дакладанага ўдару Марыа Пашаліча. Мінімальная перавага клуба з Бергама трымалася амаль да канца другога тайма, але на 90-й мінуце бразільскі абаронца парыжан Маркіньяс зраўнаваў лік, а на трэцяй кампенсаванай мінуце камерунскі нападаючы Максім Шупо-Мацінг прынёс перамогу "Пары Сен-Жэрмен".

Сапернік чэмпіёнаў Францыі па паўфінале вызначыцца сёння вечарам пасля сустрэчы нямецкага "Лейпцыга" і іспанскага "Атлетыка" з Мадрыда.

У пятніцу, 14 жніўня, чэмпіён Германіі мюнхенская "Баварыя" ў барацьбе за выхад у паўфінал будзе сапернічаць з іспанскай "Барселонай". У радах баварскай каманды выступае лідар бамбардзірскай гонкі цяперашняй чэмпіёнскай Лігі польскі форвард Роберт Левандоўскі, на асабовым рахунку якога 13 забітых мячоў. Лідар "Барсы" аргенцінец Ліянэль Месі вызначаўся тройчы, а яго партнёр па атацы ўругваец Луіс Суарэс забіў чатыры галы.

Заключны чвэрцьфінал адбудзецца 15 жніўня: англійскі "Манчэстэр Сіці" сустрэнецца з французскім "Ліёнам".

Паўфінальныя сустрэчы намечаны на 18 і 19 жніўня, вырашальны паядынак 65-га галоўнага клубнага турніру Старога Свету пройдзе 23 жніўня на полі Лісабонскага "Эштадыу да Луш".

Астатнія сустрэчы другога па рангу клубнага кантынентальнага турніру, Лігі Еўропы, адбудуцца на футбольных арэнах Германіі. У першым паўфінале 16 жніўня англійскі "Манчэстэр Юнайтэд" у Кёльне сустрэнецца з іспанскай "Севільяй". Чэмпіёны Украіны футбалісты данецкага "Шахцёра" 17 жніўня ў Дзюсельдорфе згуляюць з італьянскім "Інтэрам" з Мілана. Фінальны матч Лігі Еўропы будзе згуляны 21 жніўня ў Кёльне.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі