13 снежня, Масква /БЕЛТА - ТАСС/. Аўстрыйская паліцыя прад'явіла абвінавачанні ў парушэнні антыдопінгавых правіл на чэмпіянаце свету 2017 года шэрагу расійскіх біятланістаў і трэнераў, сярод якіх алімпійскі чэмпіён 2014 года Антон Шыпулін. Аб гэтым паведаміў тэлекаментатар Дзмітрый Губерніеў.
У спісе прысутнічаюць і бронзавы прызёр АГ-2014 Яўген Гаранічаў, чатырохразовы чэмпіён Еўропы Аляксандр Логінаў, алімпійскі чэмпіён у эстафеце Аляксей Волкаў, біятланістка Ірына Старых, былы галоўны трэнер нацыянальнай каманды Аляксандр Каспяровіч, урачы і масажысты зборнай Арцём Крынцылаў, Аляксандр Сяляўкін, Яўген Шутаў і Дзмітрый Тапычканаў.
Названыя спартсмены і супрацоўнікі зборнай 13 снежня павінны будуць даць тлумачэнні паліцыі. Адзначаецца, што ў Аўстрыі парушэнне антыдопінгавых правіл з'яўляецца крымінальным злачынствам.
Пасол Расіі ў Аўстрыі Дзмітрый Любінскі паведаміў, што дыпведамства не атрымлівала запытаў у адносінах да расійскіх біятланістаў у Хохфільцэне і будзе разбірацца ў сітуацыі.-0-
