ДЗЯРЖОРГАНЫДЗЯРЖОРГАНЫ
Флаг Аўторак, 27 ліпеня 2021
Мінск Пераменная воблачнасць +21°C
Усе навіны
Усе навіны
Спорт
08 чэрвеня 2021, 13:11

Новым генеральным дырэктарам ХК "Дынама-Мінск" стаў Сяргей Сушко

Сяргей Сушко. Фота ХК "Дынама-Мінск"
Сяргей Сушко. Фота ХК "Дынама-Мінск"

8 чэрвеня, Мінск /Кар. БЕЛТА/. Новым генеральным дырэктарам ХК "Дынама-Мінск" стаў Сяргей Сушко. Такая інфармацыя размешчана на афіцыйным сайце "зуброў", паведамляе БЕЛТА.

"Наглядальным саветам клуба прынята рашэнне аб назначэнні Сяргея Сушко на пасаду генеральнага дырэктара ХК "Дынама-Мінск". Раней гэту пасаду займаў экс-кіраўнік наглядальнага савета Ігар Шуневіч, які пакінуў клуб у красавіку ў сувязі з заканчэннем тэрміну кантракта", - гаворыцца ў паведамленні.

Раней Сяргей Сушко кіраваў хакейным клубам "Брэст".

Каменціруючы прыход новага генеральнага дырэктара, старшыня Федэрацыі хакея Беларусі і наглядальнага савета ХК "Дынама-Мінск" Дзмітрый Баскаў растлумачыў выбар новага кіраўніка. "Сяргей Анатольевіч - вопытны кіраўнік. За чатыры гады ён змог стварыць у Брэсце паўнацэнную клубную вертыкаль ад школы для асноўнай каманды, а ў мінулым сезоне дабіўся павышэння ў класе, аформіўшы з "Брэстам" пуцёўку ў экстралігу А. Акрамя таго, у мінулым годзе Сушко ўзначаліў Савет дырэктараў клубаў - удзельнікаў чэмпіянату Беларусі, - расказаў Дзмітрый Баскаў. - На карысць яго назначэння сведчыць і прызнанне спецыяліста лепшым менеджарам хакейнага клуба ў экстралізе па выніках мінулага сезона. Усё гэта, на наш погляд, дасць магчымасць яму хутчэй унікнуць у нюансы функцыянавання клуба КХЛ. Трэба сказаць, што ў хакеі новы генеральны дырэктар мінскага "Дынама" даўно. Ён выхаваў двух сыноў-хакеістаў - Ілью і Максіма. У 2017 годзе Максім Сушко быў задрафтаваны клубам "Філадэльфія Флаерз" (НХЛ), а ўжо ў 2020 дэбютаваў у Кантынентальнай хакейнай лізе менавіта ў складзе мінскага "Дынама" - згуляў 30 матчаў, пасля чаго адправіўся за акіян і правёў першыя паядынкі за "Філадэльфію" ў Нацыянальнай хакейнай лізе. Гэта важна, паколькі стратэгія клуба застанецца ранейшай - мы прадоўжым шукаць новыя імёны для таго, каб раскрываць патэнцыял таленавітай беларускай моладзі на ўзроўні КХЛ. Мы ўжо вызначыліся з фігурай галоўнага трэнера - гэта Крэйг Вудкрафт, шэраг ігракоў ужо атрымаў кантракты на новы сезон і цяпер вядуцца перагаворы з патэнцыяльнымі навічкамі".

"Аказаць дапамогу ў фарміраванні складу - першае, чым трэба будзе заняцца новаму генеральнаму дырэктару", - дадаў Дзмітрый Баскаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі