30 сакавіка, Мінск /Кар. БЕЛТА/. Футбалісты гродзенскага "Нёмана" абыгралі на сваім полі "Віцебск" з лікам 2:0 у заключным матчы другога тура чэмпіянату Беларусі, паведамляе карэспандэнт БЕЛТА.
ff1
Гульня ў Гродне прайшла ва ўпартай барацьбе, і ў першым тайме лік не быў адкрыты. Пасля перапынку гаспадары сталі дзейнічаць вастрэй, двойчы паразіўшы вароты Арцёма Сарокі. На 51-й мінуце вызначыўся Гегам Кадзімян, а яшчэ праз 6 мінут Георгій Кантарыя замацаваў поспех "Нёмана".
У стартавым туры гродзенцы ўступілі ў гасцях "Іслачы" (0:1), а віцябчане ў сябе дома перамаглі "Гарадзею" (1:0).
Рэзультаты астатніх сустрэч 2-га тура: "Слуцк" - "Дынама" (Брэст) - 0:1, "Славія" (Мазыр) - БАТЭ (Барысаў) - 2:1, "Тарпеда-БелАЗ" (Жодзіна) - "Белшына" (Бабруйск) - 1:0, "Рух" (Брэст) - "Энергетык-БДУ" (Мінск) - 0:1, "Гарадзея" - "Шахцёр" (Салігорск) - 0:2, "Мінск" - "Дынама" (Мінск) - 3:2, "Іслач" (Мінскі раён) - "Смалявічы" - 1:0.
Турнірную табліцу ўзначальваюць "Мінск", "Энергетык-БДУ", "Іслач" і "Тарпеда-БелАЗ", якія набралі па 6 ачкоў з шасці магчымых, 4 - у дзеючага чэмпіёна брэсцкага "Дынама". Па два паражэнні на старце пацярпелі мінскае "Дынама", "БАТЭ", "Белшына" і "Гарадзея".
Матчы 3-га тура запланаваны на 3-5 красавіка.-0-
