16 снежня, Мінск /Кар. БЕЛТА/. Беларуская плыўчыха Настасся Шкурдай выйшла ў фінал чэмпіянату свету на кароткай вадзе на дыстанцыі 100 м на спіне, паведамляе карэспандэнт БЕЛТА.
Яе рэзультат - 56,65 сек. Гэта шосты час дня на названай стадыі спаборніцтваў. Лепшы час дня паказала шведка Луіза Хансан - 55,85 сек. Другое месца ў Кіры Тусен з Нідэрландаў і амерыканкі Раян Уайт - 56,05 сек.
На дыстанцыі 400 м комплексным плаваннем у жанчын першынствавала канадка Тэса Тэплуча - 4 мін. 25,55 сек. Другое месца ў ірландкі Элен Уолш - 4 мін. 26,52 сек. Бронзу заваявала Мелані Маргаліс з ЗША - 4 мін. 26,63 сек.
Сіабан Бернадэт Хафі з Ганконга не ведала сабе роўных на дыстанцыі 200 м вольным стылем. Яе час (1 мін. 50,31 сек.) з'яўляецца новым сусветным рэкордам у гэтым відзе праграмы. Канадка Рэбека Сміт фінішавала другой з рэзультатам 1 мін. 52,24 сек. У амерыканкі Пэйдж Медэн - бронза (1 мін. 53,01 сек.).-0-