21 лістапада, Мінск /Кар. БЕЛТА/. Беларускі нападаючы Сяргей Касціцын перазаключыў кантракт з "Дынама" на новых умовах. Папярэдняе пагадненне форварда з мінскім хакейным клубам скасавана па ўзаемнай згодзе, паведаміла прэс-служба "зуброў" карэспандэнту БЕЛТА.
Сяргей Касціцын правёў за "Дынама" 110 гульняў у матчах КХЛ (у тым ліку пяць у плэй-оф), у якіх набраў 46 ачкоў (10+36). Пасля заканчэння сезона 2018/2019 хакеіст перанёс аперацыю, пасля якой да гэтага часу прадаўжае аднаўленне. Тым не менш, як гаворыцца ў паведамленні, мінскае "Дынама" па-ранейшаму разлічвае на Касціцына.-0-