9 чэрвеня, Мінск /Кар. БЕЛТА/. Форвард гродзенскага "Нёмана" Зоран Марушыч прызнаны лепшым іграком 12-га тура футбольнага чэмпіянату Беларусі па версіі асацыяцыі "Беларуская федэрацыя футбола", паведамляе карэспандэнт БЕЛТА.
У гасцявым пераможным паядынку з мазырскай "Славіяй" (3:1) 26-гадовы серб быў лідарам атак гродзенскай дружыны, забіўшы ўсе тры галы.
У папярэднім туры лепшым іграком быў названы нападаючы брэсцкага "Дынама" Павел Савіцкі.
Да гэтага лепшым прызнаваліся Ігар Стасевіч (БАТЭ, Барысаў), Іван Бахар ("Дынама", Мінск), Габрыэль Рамас, Валерый Гарбачык і Луіс Велозу ("Тарпеда-БелАЗ", Жодзіна), Мікіта Мельнікаў і Міхаіл Бараноўскі ("Славія", Мазыр), Дзмітрый Падстрэлаў ("Шахцёр", Салігорск), Дзяніс Панкратаў ("Слуцк") і Джасурбек Яхшыбоеў ("Энергетык-БДУ", Мінск).
Цяпер турнірную табліцу ўзначальвае БАТЭ, які набраў 26 ачкоў, на два балы менш у футбалістаў "Шахцёра", па 22 ачкі ў "Энергетыка-БДУ" і "Тарпеда-БелАЗа".
Матчы 13-га тура 30-га чэмпіянату Беларусі запланаваны на 12-14 чэрвеня.-0-
