Сцяг Пятніца, 29 сакавіка 2024
Усе навіны
Усе навіны
Спорт
22 мая 2019, 12:49

НАК Беларусі запускае акцыю ў падтрымку нацыянальнай каманды на II Еўрапейскіх гульнях

22 мая, Мінск /Кар. БЕЛТА/. Нацыянальны алімпійскі камітэт Беларусі з 22 мая па 30 чэрвеня праводзіць акцыю ў падтрымку беларускай каманды на II Еўрапейскіх гульнях "Яскравае лета!", паведамілі БЕЛТА ў прэс-службе НАК.

Для ўдзелу ў акцыі неабходна быць падпісчыкам афіцыйных старонак НАК Беларусі ў сацыяльных медыя (адной або некалькіх): "УКантакце", Facebook, Instargam. Зрабіць фота з талісманам гульняў лісянём Лесікам, на фоне спартыўных аб'ектаў або выявы любой сімволікі II Еўрапейскіх гульняў, дапоўніць яго пажаданнямі беларускай камандзе ў выглядзе матывуючага слогана ў вершах ці прозе і апублікаваць, суправадзіўшы запіс хэштэгамі: #яскраваелета, #brightgames, #brightteamby.

Лепшыя работы будуць прадстаўлены ў штабе беларускай каманды ў Вёсцы спартсменаў, а таксама апублікуюць на старонках НАК Беларусі ў сацыяльных медыя і на сайце noc.by. Вынікі падвядуць шляхам адкрытага галасавання пасля завяршэння форуму. Пераможцы акцыі і аўтары самых яркіх работ на думку спартсменаў атрымаюць памятныя сувеніры ад арганізатараў і аўтографкарткі ад удзельнікаў II Еўрапейскіх гульняў.

II Еўрапейскія гульні пройдуць у Мінску з 21 па 30 чэрвеня. Больш як 4 тыс. атлетаў з 50 краін разыграюць 200 камплектаў узнагарод у 15 відах спорту.-0-

Падпісвайцеся на нас у
Twitter
Топ-навіны
Свежыя навіны Беларусі