27 мая, Мінск /Кар. БЕЛТА/. На Нацыянальным алімпійскім стадыёне "Дынама" 27 мая пройдуць рэспубліканскія спаборніцтвы "Летні кубак федэрацыі біятлона", паведамілі БЕЛТА ў прэс-службе БФБ.
У турніры прымуць удзел члены нацыянальнай каманды Беларусі па біятлоне, лідары маладзёжных каманд, а таксама зборныя абласцей і горада Мінска. Пераможцы будуць узнагароджаны грашовымі прызамі. Спаборніцтвы пройдуць на дыстанцыі 900 м, стральба па мішэнях з пнеўматычнай вінтоўкі будзе весціся на адлегласці 10 м.
Балельшчыкаў чакаюць музычная праграма, конкурсы і віктарыны. Прамую трансляцыю Летняга кубка правядзе тэлеканал "Беларусь 5", пачатак - у 10.00.-0-
