Сцяг Пятніца, 29 сакавіка 2024
Усе навіны
Усе навіны
Спорт
29 красавіка 2021, 15:48

На Алімпійскіх гульнях у Токіа выступяць 27 спартсменаў з Віцебскай вобласці

29 красавіка, Віцебск /Алеся Пушнякова - БЕЛТА/. На XXXII летніх Алімпійскіх гульнях у Токіа выступяць 27 спартсменаў з Віцебскай вобласці, якія будуць спаборнічаць у 9 відах спорту, заявіў на 31-й пазачарговай сесіі абласнога савета дэпутатаў намеснік начальніка ўпраўлення спорту і турызму Віцебскага аблвыканкама Пётр Немянёнак, перадае карэспандэнт БЕЛТА.

Мінулагоднія дасягненні спартсменаў Віцебскай вобласці ў рэспубліканскіх і міжнародных спаборніцтвах далі магчымасць выйсці рэгіёну на другое месца. "Нягледзячы на складаную эпідэміялагічную абстаноўку, у 2020 годзе спартсмены Віцебскай вобласці выступалі ва ўсіх рэспубліканскіх спаборніцтвах і ўдзельнічалі ў міжнародных стартах. Яны змаглі заваяваць 10 медалёў, што вывела вобласць на другое месца ў Беларусі па колькасці атрыманых спартыўных узнагарод міжнароднага ўзроўню. Галоўная спартыўная падзея гэтага года - будучыя Гульні ў Токіа, якія стартуюць у ліпені. У летняй Алімпіядзе пакажуць сябе 27 спартсменаў Віцебшчыны, удзел якіх заяўлены ў 9 відах спорту", - расказаў Пётр Немянёнак.

Поспехі спартсменаў узнімаюць прэстыж не толькі Віцебскай вобласці, але і ўсёй краіны. За высокія дасягненні 89 спартсменаў вобласці ў 2021 годзе будуць атрымліваць стыпендыі ад аблвыканкама. Таленавітыя юнакі і дзяўчаты займаюцца 24 відамі спорту, 21 з якіх - алімпійскі. Фінансавае заахвочванне будуць атрымліваць спартсмены з Віцебска (49 чалавк), Оршы (13), Наваполацка (12), Полацка (6), па два з Браслава, Чашнікаў і Сянно, а таксама па адным з Шуміліна, Глыбокага і Лепеля. На гэты год з абласнога бюджэту на выплату стыпендый спартсменам будзе выдзелена амаль Br250 тыс. У мінулым годзе абласную стыпендыю атрымлівалі 97 зорак спорту Віцебшчыны.-0-

Падпісвайцеся на нас у
Twitter
Топ-навіны
Свежыя навіны Беларусі