10 лютага, Гомель /Кар. БЕЛТА/. Міжнародны турнір па футболе "Кубак "ФК "Гомель" 2023", прымеркаваны да 85-годдзя заснавання Гомельскай вобласці, адбудзецца 10-12 лютага, паведаміў карэспандэнту БЕЛТА начальнік каманды ФК "Гомель" Мікіта Марцьянаў.
Камандныя спарынгі пройдуць на футбольным манежы гарадской ДЮСШ нумар 6. На поле выйдуць маладзёжныя каманды ФК "Гомель", ФК "Дынама-Бранск", ФК "Бумпрам" і зборная Смаленскай вобласці.
Паводле слоў начальніка ФК "Гомель", важна развіваць узаемадзеянне паміж рэгіёнамі ў сферы фізічнай культуры і спорту. "Узаемна цікава абменьвацца вопытам, лепш даведацца аб методыках і падыходах школ футбола гомельскага і бранскага рэгіёнаў", - сказаў Мікіта Марцьянаў.
У якасці ганаровых гасцей запрошаны намеснік старшыні Гомельскага аблвыканкама Дзмітрый Алейнікаў, мэр Гомеля Уладзімір Прывалаў, дырэктар дэпартамента фізічнай культуры і спорту Бранскай вобласці Максім Рудзін і дырэктар футбольнай Акадэміі "Дынама-Бранск" Аляксандр Сцёпін.
Пераможцаў чакаюць кубкі і ўзнагароды. Таксама будуць названы лепшыя ігракі каманд.-0-
