16 сакавіка, Мінск /Кар. БЕЛТА/. Прадстаўнікі спартыўных ведамстваў Беларусі і Расіі ў Маскве абмеркавалі перспектывы далейшага супрацоўніцтва, паведамілі БЕЛТА ў прэс-службе Нацыянальнага алімпійскага камітэта Беларусі.
На парадку дня сённяшніх перагавораў у расійскай сталіцы было выбудоўванне календара спаборніцтваў і вызначэнне далейшых дзеянняў па відах спорту ў бліжэйшай перспектыве.
Беларускую дэлегацыю ўзначальваў намеснік міністра спорту і турызму Аляксандр Баравуля, разам з якім з расійскімі калегамі сустракаліся кіраўнікі федэрацый па розных відах спорту.
Другі раўнд дыялогу адбудзецца на наступным тыдні ў час сумеснага пасяджэння калегій двух спартыўных ведамстваў у Мінску.-0-