Фота з архіва
19 лютага, Мінск /Кар. БЕЛТА/. Хакеісты мінскага "Дынама" 19 лютага прадоўжаць гасцявое турнэ ў рамках рэгулярнага чэмпіянату Кантынентальнай хакейнай лігі сезона 2024/25, паведамляе карэспандэнт БЕЛТА.
З Балашыхі падапечныя Дзмітрыя Квартальнава перабраліся ў Маскву, дзе правядуць тры матчы за пяць дзён. Тур па сталіцы Расіі "зубры" пачнуць з "ЦСКА Арэны", якая з'яўляецца домам для трохразовага ўладальніка Кубка Гагарына ЦСКА. Колеры "армейцаў" з гэтага сезона абараняе беларускі нападаючы Іван Драздоў, які ў 55 матчах чэмпіянату набраў 22 (9+13) рэзультатыўныя балы.
Да гульні з мінчанамі "армейцы" падыходзяць не ў лепшым настроі: 13 і 17 лютага масквічы пацярпелі нечаканыя паражэнні ад аўтсайдара Захаду "Сочы" (0:2 і 1:4). "Зубры" ў гэтыя ж даты абмяняліся гасцявымі перамогамі з "Віцязем" (0:3 і 4:2). На гэты момант ЦСКА з 70 ачкамі займае пятае месца ў табліцы канферэнцыі, "Дынама" адстае ад "армейцаў" на пяць балаў і ідзе сёмым.
"Сапернік напэўна будзе "галодным", так заўсёды бывае пасля паражэнняў. Трэба быць гатовымі, што яны са старту пабягуць наперад. Нам важна дзейнічаць зладжана па заданні на гульню", - сказаў нападаючы мінчан Крыс Цірні.
У гэтым сезоне "Дынама" і ЦСКА двойчы сустракаліся на "Мінск-Арэне", і абодва разы мацнейшымі былі нашы хакеісты (5:4 і 2:0). У кастрычніцкім матчы "зубры" прайгравалі з лікам 2:4 за пяць хвілін да канца асноўнага часу, але паспелі зраўнаваць лічбы і вырвалі перамогу ў авертайме. Чарговае процістаянне каманд стартуе ў Маскве ў 19.30.-0-
З Балашыхі падапечныя Дзмітрыя Квартальнава перабраліся ў Маскву, дзе правядуць тры матчы за пяць дзён. Тур па сталіцы Расіі "зубры" пачнуць з "ЦСКА Арэны", якая з'яўляецца домам для трохразовага ўладальніка Кубка Гагарына ЦСКА. Колеры "армейцаў" з гэтага сезона абараняе беларускі нападаючы Іван Драздоў, які ў 55 матчах чэмпіянату набраў 22 (9+13) рэзультатыўныя балы.
Да гульні з мінчанамі "армейцы" падыходзяць не ў лепшым настроі: 13 і 17 лютага масквічы пацярпелі нечаканыя паражэнні ад аўтсайдара Захаду "Сочы" (0:2 і 1:4). "Зубры" ў гэтыя ж даты абмяняліся гасцявымі перамогамі з "Віцязем" (0:3 і 4:2). На гэты момант ЦСКА з 70 ачкамі займае пятае месца ў табліцы канферэнцыі, "Дынама" адстае ад "армейцаў" на пяць балаў і ідзе сёмым.
"Сапернік напэўна будзе "галодным", так заўсёды бывае пасля паражэнняў. Трэба быць гатовымі, што яны са старту пабягуць наперад. Нам важна дзейнічаць зладжана па заданні на гульню", - сказаў нападаючы мінчан Крыс Цірні.
У гэтым сезоне "Дынама" і ЦСКА двойчы сустракаліся на "Мінск-Арэне", і абодва разы мацнейшымі былі нашы хакеісты (5:4 і 2:0). У кастрычніцкім матчы "зубры" прайгравалі з лікам 2:4 за пяць хвілін да канца асноўнага часу, але паспелі зраўнаваць лічбы і вырвалі перамогу ў авертайме. Чарговае процістаянне каманд стартуе ў Маскве ў 19.30.-0-
Падпісвайцеся на нас у
