Фота Мінспорту
10 верасня, Мінск /Кар. БЕЛТА/. Хакеісты мінскага "Дынама" з перамогі стартавалі ў рэгулярным чэмпіянаце Кантынентальнай хакейнай лігі, паведамляе карэспандэнт БЕЛТА.
Першым сапернікам падапечных Дзмітрыя Квартальнава ў сезоне-2025/26 стаў "Спартак", паядынак прайшоў у Маскве. Дэбютнага гола "зуброў" балельшчыкі чакалі восем з палавінай мінут: капітан мінчан Андрэй Стась адабраў шайбу ў чужой зоне і з нязручнай рукі зрабіў перадачу на Сяргея Кузняцова, які не прамахнуўся. Усяго праз 40 секунд госці падвоілі перавагу - дакладны кідок пад перакладзіну нанёс навічок сталічнага клуба амерыканец Алекс Лімож.
У сярэдзіне другой трэці дынамаўцы ўпершыню аказаліся ўпяцёх супраць чацвёркі масквічоў і гэтым шанцам скарысталіся - большасць рэалізаваў Сэм Энас. У наступнай жа атацы "зуброў" чужыя вароты паразіў Ягор Борыкаў, аднак яго шайба была адменена з-за становішча "па-за гульнёй". Апошнюю пяцімінутку перыяду "зубры" правялі ў меншасці пасля парушэння Вадзіма Шыпачова, але выстаялі.
У заключным адрэзку лічбы на табло не змяніліся, "Дынама" пачало сезон з "сухой" перамогі - 3:0. Галкіпер мінчан Зак Фукале аформіў шатаўт у першай афіцыйнай гульні за каманду, адбіўшы 28 кідкоў. Выязная серыя "зуброў" прадоўжыцца 11 верасня матчам супраць "Нафтахіміка". Паядынак у Ніжнякамску стартуе ў 19.30.-0-
Першым сапернікам падапечных Дзмітрыя Квартальнава ў сезоне-2025/26 стаў "Спартак", паядынак прайшоў у Маскве. Дэбютнага гола "зуброў" балельшчыкі чакалі восем з палавінай мінут: капітан мінчан Андрэй Стась адабраў шайбу ў чужой зоне і з нязручнай рукі зрабіў перадачу на Сяргея Кузняцова, які не прамахнуўся. Усяго праз 40 секунд госці падвоілі перавагу - дакладны кідок пад перакладзіну нанёс навічок сталічнага клуба амерыканец Алекс Лімож.
У сярэдзіне другой трэці дынамаўцы ўпершыню аказаліся ўпяцёх супраць чацвёркі масквічоў і гэтым шанцам скарысталіся - большасць рэалізаваў Сэм Энас. У наступнай жа атацы "зуброў" чужыя вароты паразіў Ягор Борыкаў, аднак яго шайба была адменена з-за становішча "па-за гульнёй". Апошнюю пяцімінутку перыяду "зубры" правялі ў меншасці пасля парушэння Вадзіма Шыпачова, але выстаялі.
У заключным адрэзку лічбы на табло не змяніліся, "Дынама" пачало сезон з "сухой" перамогі - 3:0. Галкіпер мінчан Зак Фукале аформіў шатаўт у першай афіцыйнай гульні за каманду, адбіўшы 28 кідкоў. Выязная серыя "зуброў" прадоўжыцца 11 верасня матчам супраць "Нафтахіміка". Паядынак у Ніжнякамску стартуе ў 19.30.-0-
Падпісвайцеся на нас у
