Сцяг Аўторак, 19 сакавіка 2024
Усе навіны
Усе навіны
Спорт
11 жніўня 2022, 15:30

Мінскі стадыён "Дынама" пяты раз запар прыме чэмпіянат Беларусі па лёгкай атлетыцы

11 жніўня, Мінск /Кар. БЕЛТА/. Перадапошні этап Беларускай лёгкаатлетычнай лігі - чэмпіянат Беларусі - пройдзе 16-18 жніўня на галоўнай спартыўнай арэне краіны мінскім стадыёне "Дынама". Аб гэтым расказаў журналістам старшыня Беларускай федэрацыі лёгкай атлетыкі Іван Ціхан, перадае карэспандэнт БЕЛТА.

Нацыянальнае першынство адкрыецца 16 жніўня аматарскімі забегамі мужчын і жанчын на 10 000 м, а потым на гэту ж дыстанцыю выйдуць саіскальнікі ўзнагарод чэмпіянату Беларусі.

У сераду, 17 жніўня, каля галоўнага ўвахода на дынамаўскую арэну для гледачоў пачнуць працаваць спартыўныя пляцоўкі, лакацыі МАЗа, МТЗ, МНС, НАДА і іншых структур. Там жа ў зонах фуд-корта можна будзе падсілкавацца, паколькі спаборніцтвы лёгкаатлетаў будуць праходзіць да вечара, паведаміла спартыўны дырэктар БФЛА Надзея Бут-Гусаім.

Даты правядзення беларускага першынства супадаюць з чэмпіянатам Еўропы ў Мюнхене, і вядучыя беларускія спартсмены будуць мець магчымасць завочна пазмагацца з мацнейшымі атлетамі кантынента, адзначыў дзяржаўны трэнер па лёгкай атлетыцы Ігар Сівадзедаў. Ён таксама падкрэсліў, што хоць беларусы цяпер адхілены ад топ-турніраў, яны паказваюць нядрэнныя рэзультаты. Так, Таццяна Халадовіч кінула кап'ё на 66 м 19 см, што з'яўляецца другім рэзультатам сусветнага сезона. Акрамя лепшых беларускіх атлетаў у чэмпіянаце Беларусі прымуць удзел прадстаўнікі Расіі і іншых краін.

Чэмпіянат Беларусі, які пяты год запар прыме Нацыянальны алімпійскі стадыён "Дынама", стане 12-м, перадапошнім этапам Беларускай лёгкаатлетычнай лігі. Услед за ім 11 верасня пройдзе Мінскі паўмарафон. Ліга стала новаўвядзеннем гэтага сезона і аб'яднала шэраг беларускіх турніраў у адну серыю, галоўнай мэтай якой стала праверка формы і канкурэнтаздольнасці беларускіх спартсменаў, а таксама стымуляванне за кошт спецыяльна распрацаванай бонуснай сістэмы за занятыя месцы і паказаныя рэзультаты.-0-

Падпісвайцеся на нас у
Twitter
Топ-навіны
Свежыя навіны Беларусі