Сцяг Субота, 20 красавіка 2024
Усе навіны
Усе навіны
Спорт
30 студзеня 2024, 13:13

Мінскі футбольны манеж 20-ы раз прыме матчы Кубка развіцця

Фота з архіва
Фота з архіва
30 студзеня, Мінск /Кар. БЕЛТА/. Мінскі футбольны манеж 20-ы раз прыме ўдзельнікаў міжнароднага турніру юнацкіх зборных Кубак развіцця, паведамляе карэспандэнт БЕЛТА.

У юбілейным турніры, які пройдзе з 18 па 24 лютага, выступяць каманды з шасці краін. На першым этапе яны будуць разбіты на дзве групы: А - Беларусь (U-17), Узбекістан (U-17), Азербайджан (U-16), Расія (U-16); В - Беларусь (U-16), Таджыкістан (U-17), Казахстан (U-16), Расія (U-17). Пасля завяршэння групавога этапу адбудуцца стыкавыя паядынкі за падагульняючыя месцы з першага па восьмае.

У мінулым годзе ўладальнікам Кубка Развіцця шосты раз у гісторыі стала каманда Расіі, якая перамагла ў фінальным матчы казахстанскіх футбалістаў, бронзу заваявала каманда Таджыкістана. Акрамя расіян спаборніцтвы выйгравалі юнацкія зборныя Беларусі і Украіны (па 4 разы), Бельгіі (2), а таксама Сербіі і Чарнагорыі, Таджыкістана, Ізраіля (па 1). У розныя гады ў беларускай сталіцы выступалі юнацкія зборныя з 27 краін. На штучным полі мінскага манежа гулялі многія футбалісты, якія потым сталі прызнанымі майстрамі. Сярод іх, у прыватнасці, ігракі нацыянальнай зборнай Беларусі Станіслаў Драгун, Павел Савіцкі, Ягор Філіпенка, Іван Бахар, зорка зборнай Грузіі і італьянскага "Напалі" Хвіча Кварацхелія, украінцы Віталь Цыганкоў, Андрэй Лунеў, італьянцы Давідзе Сантон, Матыя Дэстра, бельгійцы Кун Кастэлс, Томас Камінскі, расіяне Аляксандр Какорын, Георгій Шчэннікаў і многія іншыя.

Гэты турнір, як і ўсе папярэднія, праводзіцца пры падтрымцы ААТ "Банк Развіцця Рэспублікі Беларусь" і Мінгарвыканкама.-0-
Падпісвайцеся на нас у
Twitter
Топ-навіны
Свежыя навіны Беларусі