7 кастрычніка, Мінск /Кар. БЕЛТА/. Мінскі "Будаўнік" стартаваў з перамогі ў чэмпіянаце Беларусі па валейболе, узначаліўшы турнірную табліцу. Уладальнік ганаровага трафея салігорскі "Шахцёр" тур прапускаў з-за няцотнай колькасці каманд у дывізіёне А, паведамляе карэспандэнт БЕЛТА.
У мужчынскім чэмпіянаце краіны ў суботу і нядзелю адбыліся адразу некалькі матчаў. Мінскі "Будаўнік" без праблем узяў верх над "Камунальнікам" з Магілёва - 3:0 (25:11, 25:13, 25:9). Гомельская "Энергія" нанесла паражэнне сталічнаму МАПІДу - 3:0 (25:17, 25:21, 25:21). "Заходні Буг "(Брэст) рэзультатыўна з'ездзіў у Віцебск, дзе абыграў мясцовы "Марко-ВДТУ" - 3:1 (25:21, 25:23, 15:25, 25:22). "Барысаў-БДУФК" у родных сценах прайграў "Легіёну" - 0:3 (16:25, 22:25, 17:25).
У жанчын адбыліся дзве гульні. Брэсцкае "Прыбужжа" перамагло "Мінчанку-2" - 3:0 (25:18, 25:23, 25:18), а магілёўская каманда "Камунальнік-МДУ" выйграла ў "Жамчужыны Палесся" з Мазыра - 3:1 (25:20, 25:19, 19:25, 25:23).-0-
