5 кастрычніка, Мінск /Кар. БЕЛТА/. Хакеісты мінскага "Дынама" сёння правядуць чарговы дамашні матч у рэгулярным чэмпіянаце Кантынентальнай хакейнай лігі. У саперніках - падольскі "Віцязь", паведамляе карэспандэнт БЕЛТА.
Каманды размяшчаюцца на суседніх радках табліцы Заходняй канферэнцыі КХЛ: мінчане ідуць 7-мі, маючы 16 балаў, у "Віцязя" на ачко больш і 6-я пазіцыя пры гульні ў запасе. У папярэднім матчы падапечныя Крэйга Вудкрафта ў авертайме здабылі гасцявую перамогу над "Тарпеда" (3:2), перарваўшы тым самым серыю з чатырох няўдач. Каманда з Падольска, якая ў бягучым сезоне праводзіць дамашнія матчы ў горадзе Балашыха, мае тры вікторыі запар, уключаючы разгром маскоўскага "Спартака" з лікам 5:1. Званне лепшага бамбардзіра "зуброў" дзеляць форвард Раян Спунер і абаронца Джозеф Душак, у якіх па 10 ачкоў, столькі ж рэзультатыўных балаў набраў лідар падмаскоўнага клуба Аляксандр Ярамчук.
У мінулым сезоне "Дынама" і "Віцязь" правялі паміж сабой тры сустрэчы, два матчы ў Падольску завяршыліся перамогамі "бела-блакітных" (5:2 і 4:3), паядынак у Мінск застаўся за сапернікамі (4:1). Чарговае процістаянне каманд стартуе на "Мінск-Арэне" ў 19.10.-0-
