ДЗЯРЖОРГАНЫДЗЯРЖОРГАНЫ
Чацвер, 23 студзеня 2020
Мінск Пераменная воблачнасць -1°C
Усе навіны
Усе навіны
Спорт
04 снежня 2019, 11:27

Мінскае "Дынама" ўступіла "Сочы" ў гасцявым матчы чэмпіянату КХЛ

У час матчу. Фота ХК "Дынама-Мінск"
У час матчу. Фота ХК "Дынама-Мінск"

4 снежня, Мінск /Кар. БЕЛТА/. Хакеісты мінскага "Дынама" прайгралі 3 снежня "Сочы" ў гасцявым матчы чэмпіянату КХЛ з лікам 1:4 (0:2, 1:2, 0:0). Для "зуброў" гэта чацвёртае паражэнне запар, паведамляе карэспандэнт БЕЛТА.

Сустрэча прайшла на лядовай пляцоўцы палаца спорту "Вялікі".

Хакеісты "Сочы" адразу рынуліся ў атаку. Ужо на 58-й мінуце матчу форвард гаспадароў Дзмітрый Лугін згуляў на дабіванні, адкрыўшы лік. Дынамаўцы адказалі контратакай, якая не прынесла чаканага выніку. Гаспадары, завалодаўшы шайбай, прарвалі абарону мінчан. Абаронца "Сочы" Юрый Аляксандраў падключыўся да атакі і на восьмай мінуце процістаяння павялічыў перавагу свайго клуба. "Зубры", гуляючы ў большасці, не змаглі паразіць вароты апанентаў. У далейшым гаспадары прадоўжылі валодаць ініцыятывай.

Праз 16 секунд пасля пачатку другога перыяду нападаючы сочынцаў Мальтэ Стрэмваль давёў лік да трох шайбаў. На 28-й мінуце матчу форвард закінуў буліт і аформіў дубль - 4:0. "Зубры" паспрабавалі зменшыць адставанне - ажыццявіць задуманае атрымалася толькі пад канец другой дваццацімінуткі. Гол у вароты галкіпера гаспадароў Івана Налімава забіў Дзмітрый Знахарэнка - 4:1.

Большую частку трэцяга перыяду каманды вялі роўную барацьбу. Хакеісты "Сочы" часам узмацнялі націск, але давесці лік да пяці шайбаў ім так і не ўдалося.

Наступны матч падапечныя Крэйга Вудкрафта правядуць 6 снежня на "Мінск-Арэне" супраць чарапавецкай "Поўначсталі".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі