23 снежня, Мінск /Кар. БЕЛТА/. Хакеісты мінскага "Дынама" ўступілі хабараўскаму "Амуру" ў гасцявым матчы чэмпіянату КХЛ з лікам 3:4 (1:0, 2:0, 0:4). Для "зуброў" гэта дзясятае паражэнне запар, паведамляе карэспандэнт БЕЛТА.
Матч пачаўся пад дыктоўку гасцей. Мінчане абрушылі шквал кідкоў на галкіпера сапернікаў. Вынік не прымусіў сябе доўга чакаць. Ужо на 12-й хвіліне матчу форвард "Дынама" Франсіс Парэ адкрыў лік.
Другі перыяд прадоўжыўся ў аналагічным стылі. "Зубры" ўрываліся на пляцоўку апанентаў і атакавалі варатара "Амура" Марэка Лангхамера. На 23-й хвіліне нападаючы Іван Драздоў умацаваў перавагу сваёй каманды, давёўшы лік да дзвюх шайбаў. Яго тут жа падтрымаў аднаклубнік Марк-Андрэ Граньяні - 3:0. "Дынама" прадоўжыла дзейнічаць у агрэсіўнай манеры, але больш закінутых шайбаў у другой дваццаціхвілінцы гэта мінчанам не прынесла.
У трэцім перыядзе хакеісты "Дынама" прыкметна расслабіліся. На 49-й хвіліне процістаяння гаспадары лядовай пляцоўкі рэалізавалі большасць. Хакеіст тут жа аформіў дубль, а яго таварыш па камандзе Максім Ігнатовіч зраўнаваў лік. Форвард "Амура" Уладзіслаў Ушэнін у канцы процістаяння забіў пераможны гол.
Наступны матч падапечныя Крэйга Вудкрафта правядуць 25 снежня ў гасцях у пекінскага "Куньлуня".-0-
Фота ХК "Амур"