Мінскае "Дынама" стане чэмпіёнам другі раз запар, калі пераможа футбалістаў БАТЭ

25 лістапада, Мінск /Кар. БЕЛТА/. Футбалісты мінскага "Дынама" сёння могуць афіцыйна аформіць другі запар тытул чэмпіёнаў Беларусі, паведамляе карэспандэнт БЕЛТА.

Для гэтага падапечным Вадзіма Скрыпчанкі трэба перамагчы на сваёй арэне барысаўскі БАТЭ. Гэта сустрэча пачнецца ў 20.00 і будзе паказана ў прамым эфіры тэлеканала "Беларусь 5".

Адзіны канкурэнт дынамаўцаў гродзенскі "Нёман" нечакана не змог адолець у гасцявым паядынку 29-га тура футбалістаў "Смаргоні", згуляўшы ўнічыю - 0:0. Рэзультаты іншых сустрэч перадапошняга тура: "Смаргонь" - "Нёман" (Гродна) - 0:0, "Днепр" (Магілёў) - "Іслач" (Мінскі раён) - 1:3, "Мінск" - "Слуцк" - 0:1, "Нафтан" (Наваполацк) - "Арсенал" (Дзяржынск) - 0:0, "Віцебск" - "Дынама" (Брэст) - 2:0. У заключным матчы гэтага тура 26 лістапада "Тарпеда-БелАЗ" сустрэнецца ў Жодзіне з салігорскім "Шахцёрам".

Цяпер становішча ў лідзіруючай групе такое: "Дынама" (Мінск) - 64 ачкі (27 матчаў), "Нёман" (Гродна) - 62 (29), "Тарпеда-БелАЗ" - 56 (28), "Дынама" (Брэст) - 48 (29). Спіс лепшых бамбардзіраў узначальвае габонскі нападаючы "Гомеля" Родзі Джуніяр Эфаге, на рахунку якога 17 забітых мячоў, на два галы менш у расійскага форварда брэсцкіх дынамаўцаў Ягора Карцова.-0-