21 лютага, Мінск /Кар. БЕЛТА/. Хакеісты мінскага "Дынама" 21 лютага правядуць заключны дамашні матч у бягучым рэгулярным чэмпіянаце Кантынентальнай хакейнай лігі, паведамляе карэспандэнт БЕЛТА.
Сапернікам мінчан стане чэлябінскі "Трактар". За лічаныя дні да заканчэння "рэгуляркі" абедзве каманды прадаўжаюць весці барацьбу за пуцёўкі ў плэй-оф ад сваіх канферэнцый. У актыве "зуброў" 65 балаў і прахадное 8-е месца на Захадзе, адрыў ад "Спартака", які ідзе 9-м, складае ўсяго адзін пункт. На рахунку чэлябінцаў - 66 ачкоў, але толькі 10-я пазіцыя на Усходзе, адставанне "Трактара" ад зоны плэй-оф - два балы.
Да сённяшняй гульні дынамаўцы падыходзяць не ў лепшым настроі: падапечныя Крэйга Вудкрафта прайгралі пяць з апошніх сямі паядынкаў. Хакеісты з Чэлябінска прайшлі аналагічны сяміматчавы адрэзак значна лепш, атрымаўшы чатыры перамогі, адну з якіх - якраз над мінскай камандай (4:3). Другая і апошняя сустрэча "Дынама" і "Трактара" ў сезоне стартуе на "Мінск-Арэне" ў 19.10.-0-
