30 кастрычніка, Мінск /Кар. БЕЛТА/. Мінскае "Дынама" ў гасцявым матчы чэмпіянату КХЛ прайграла чэлябінскаму "Трактару" - 1:4 (0:1, 0:2, 1:1). Для падапечных Крэйга Вудкрафта гэта дзявятае паражэнне запар, паведамляе карэспандэнт БЕЛТА.
Абедзве каманды пачалі гульню асцярожна, стараючыся выкарыстоўваць памылкі адзін аднаго. Аднак выпады чэлябінцаў былі больш вострымі. Галкіпер "зуброў" Юнас Энрат пасля контратак "Трактара" двойчы выручаў сваю каманду. Аднак на 11-й мінуце сустрэчы каля варот мінчан апынулася першая шайба. Гол забіў форвард гаспадароў лядовай пляцоўкі Фёдар Малыхін. Падапечныя Крэйга Вудкрафта паспрабавалі да канца перыяду аднавіць раўнавагу ў ліку, але беспаспяхова.
У пачатку другой дваццацімінуткі нападаючы "Трактара" Энвер Лісін атрымаў шайбу на пятаку і без праблем адправіў яе ў сетку варот мінчан, павялічыўшы перавагу сваёй каманды да двух ачкоў. А на 37-й мінуце матчу ён жа аформіў дубль - 3:0.
У трэцім перыядзе "Дынама" старалася перахапіць ініцыятыву, але гаспадары лядовай пляцоўкі лавілі сапернікаў на контратаках. На 50-й хвіліне форвард "зуброў" Шэйн Прынс рэалізаваў большасць - 1:3. Мінчане ўзмацнілі націск на абаронцаў чэлябінцаў, аднак у выніку паплаціліся за празмернае захапленне атакай. Аўтарам чацвёртай шайбы ў радах "Трактара" на 57-й мінуце гульні стаў нападаючы Аляксандр Аўцын, які ўстанавіў канчатковы лік матчу.
Наступны паядынак выязной серыі "зубры" згуляюць 1 лістапада супраць магнітагорскага "Металурга". Завершыцца чарговая гасцявая серыя мінчан 3 лістапада ва Уфе проціборствам з "Салаватам Юлаевым".-0-
