9 чэрвеня, Мінск /Кар. БЕЛТА/. Хакейнае мінскае "Дынама" дасягнула дамоўленасці аб падпісанні кантракта з расійскім нападаючым Міхаілам Шалагіным, паведамілі БЕЛТА ў прэс-службе сталічнага клуба.
22-гадовы форвард у сезоне 2021/2022 выступаў у Вышэйшай хакейнай лізе, дзе абараняў колеры ханты-мансійскай "Югры" і тульскай АКМ. У 42 матчах мінулага чэмпіянату Шалагін набраў 32 (13+19) рэзультатыўныя балы, усяго ў ВХЛ на рахунку нападаючага 93 гульні, 63 (30+33) ачкі і паказчык карыснасці "+11".
На драфце НХЛ 2019 года расіянін быў задрафтаваны клубам "Тампа-Бэй Лайтнінг" у 7-м раўндзе пад агульным 198-м нумарам. Шалагін правёў адзін сезон у Хакейнай лізе Усходняга ўзбярэжжа (ECHL) за "Арланда Солар Беарс", таксама ў актыве форварда 6 гульняў у КХЛ за "Спартак" і "Аўтамабіліст".-0-
