"МІНСК" стаў уладальнікам Кубка шахцёра па баскетболе 3х3

16 верасня, Мінск /Кар. БЕЛТА/. Беларускія каманды паспяхова выступілі на турнірах па баскетболе 3х3 у Расіі, паведамляе карэспандэнт БЕЛТА.

У Краснакаменску баскетбалісты "МІНСКА" сталі ўладальнікамі Кубка шахцёра, абыграўшы ў вырашальным паядынку чыцінскі "Лакаматыў" з лікам 21:11. На папярэднім этапе беларусы абыгралі чыцінцаў з такім жа рэзультатам, таксама ўзялі верх над камандай "Аргунь" з Краснакаменска - 22:5, а ў паўфінале выйгралі ў Fusion Africane з ДР Конга - 18:12. У складзе мінчан пад кіраўніцтвам Рамана Гесця выступалі Ян Марынін, Аляксей Шаўчэнка, Вацлаў Бугаёў, прызнаны лепшым іграком турніру, і Ілья Языковіч, які ўвайшоў у сімвалічную зборную гэтых спаборніцтваў. У выніку за бронзавыя ўзнагароды "Сібірскія львы" з Томска выйгралі ў афрыканскай каманды - 22:11.

На юнацкім турніры ў Ніжнім Ноўгарадзе каманды СДЮШАР БК "МІНСК" (U-14) сталі бронзавымі прызёрамі. У паядынку за трэцяе месца беларускія юнакі перамаглі равеснікаў з Омскай вобласці - 19:17 (у авертайме), а дзяўчаты таксама ў дадатковы час адолелі баскетбалістак з Санкт-Пецярбурга - 17:16.-0-