14 чэрвеня, Мінск /Кар. БЕЛТА/. На веладроме "Мінск-Арэны" сёння стартуе традыцыйны юніёрскі міжнародны турнір па боксе памяці Уладзіміра Батвінніка, паведамляе карэспандэнт БЕЛТА.
У спаборніцтвах прымуць удзел зборныя Беларусі, Узбекістана і Расіі, складзеныя са спартсменаў 2006-2007 гадоў нараджэння. Хлопцы будуць змагацца за ўзнагароды ў 13 вагавых катэгорыях, дзяўчаты - у пяці. Пераможцы і прызёры стануць вядомы 17 чэрвеня.
Міжнародны турнір па боксе памяці ганаровага майстра спорту СССР, заслужанага трэнера Беларусі Уладзіміра Батвінніка праводзіцца штогод з 2002 года. Яго арганізатарамі з'яўляюцца Міністэрства спорту і турызму, Мінскі гарадскі выканаўчы камітэт, Прэзідэнцкі спартыўны клуб, Беларуская федэрацыя бокса, СДЮШАР па боксе, Клуб аматараў бокса імя У. Батвінніка.-0-
