Фота з архіва
12 чэрвеня, Мінск /Кар. БЕЛТА/. У сталіцы адбыліся два стартавыя матчы фінальнай серыі чэмпіянату Беларусі па хакеі на траве сярод жаночых каманд, паведамляе карэспандэнт БЕЛТА.
Залатыя медалі нацыянальнага першынства аспрэчваюць хакейны клуб "Мінск" і смалявіцкая "Вікторыя". На паўфінальнай стадыі мінчанкі абыгралі баранавіцкі "Тэкстыльшчык" (2:0 у серыі), а дзяўчаты са Смалявіч былі мацнейшыя за гродзенскі "Рытм" (2:1). Дзякуючы перамозе ў рэгулярным чэмпіянаце перавагу дамашняй пляцоўкі маюць прадстаўніцы сталіцы, фінальнае процістаянне доўжыцца да трох перамог адной з каманд.
Першы матч вырашальнай серыі прайшоў у Мінску і закончыўся мінімальнай перамогай гаспадынь пляцоўкі (1:0), аўтарам адзінага гола стала Вольга Маскалевіч. 11 чэрвеня ў парку Горкага адбылася другая гульня. На гэты раз фіналісткам асноўнага часу не хапіла: 60 мінут закончыліся ўнічыю 1:1, а ў серыі булітаў больш дакладнымі былі госці (6:5). Такім чынам, лік у серыі зраўнаваўся, дзве наступныя гульні фіналу пройдуць 15 і 16 чэрвеня ў Смалявічах.
Паралельна за бронзавыя медалі жаночай лігі змагаюцца "Рытм" і "Тэкстыльшчык", у двух стартавых паядынках у Гродне саперніцы абмяняліся перамогамі. Наступныя гульні адбудуцца ў Баранавічах у выхадныя. Таксама ў самым разгары фінальная серыя мужчынскага чэмпіянату краіны паміж брэсцкім "Будаўніком" і "Мінскам". Пасля двух матчаў у дуэлі нічыя (1:1), трэцяя і чацвёртая сустрэчы дзвюх лепшых каманд Беларусі пройдуць у сталіцы 12 і 13 чэрвеня.-0-
Залатыя медалі нацыянальнага першынства аспрэчваюць хакейны клуб "Мінск" і смалявіцкая "Вікторыя". На паўфінальнай стадыі мінчанкі абыгралі баранавіцкі "Тэкстыльшчык" (2:0 у серыі), а дзяўчаты са Смалявіч былі мацнейшыя за гродзенскі "Рытм" (2:1). Дзякуючы перамозе ў рэгулярным чэмпіянаце перавагу дамашняй пляцоўкі маюць прадстаўніцы сталіцы, фінальнае процістаянне доўжыцца да трох перамог адной з каманд.
Першы матч вырашальнай серыі прайшоў у Мінску і закончыўся мінімальнай перамогай гаспадынь пляцоўкі (1:0), аўтарам адзінага гола стала Вольга Маскалевіч. 11 чэрвеня ў парку Горкага адбылася другая гульня. На гэты раз фіналісткам асноўнага часу не хапіла: 60 мінут закончыліся ўнічыю 1:1, а ў серыі булітаў больш дакладнымі былі госці (6:5). Такім чынам, лік у серыі зраўнаваўся, дзве наступныя гульні фіналу пройдуць 15 і 16 чэрвеня ў Смалявічах.
Паралельна за бронзавыя медалі жаночай лігі змагаюцца "Рытм" і "Тэкстыльшчык", у двух стартавых паядынках у Гродне саперніцы абмяняліся перамогамі. Наступныя гульні адбудуцца ў Баранавічах у выхадныя. Таксама ў самым разгары фінальная серыя мужчынскага чэмпіянату краіны паміж брэсцкім "Будаўніком" і "Мінскам". Пасля двух матчаў у дуэлі нічыя (1:1), трэцяя і чацвёртая сустрэчы дзвюх лепшых каманд Беларусі пройдуць у сталіцы 12 і 13 чэрвеня.-0-
Падпісвайцеся на нас у
