.
ДЗЯРЖОРГАНЫДЗЯРЖОРГАНЫ
Серада, 3 сакавіка 2021
Мінск Суцэльная воблачнасць 0°C
Усе навіны
Усе навіны
Спорт
20 студзеня 2021, 16:12

"МАЗ-СПОРТаўта" ставіць мэту перамагчы на "Дакары" - Вязовіч

Сяргей Вязовіч
Сяргей Вязовіч

20 студзеня, Мінск /Кар. БЕЛТА/. Кіраўнік і адзін з пілотаў каманды "МАЗ-СПОРТаўта" Сяргей Вязовіч на прэс-канферэнцыі падвёў вынікі ралі-рэйду "Дакар-2021", паведамляе карэспандэнт БЕЛТА.

Сяргей Вязовіч падкрэсліў, што ў наступным годзе каманда мае намер дабівацца больш упэўненага выступлення. "На мой погляд, працэс падрыхтоўкі да спаборніцтваў быў правільны, ідзе прагрэс і каманды, і аўтамабіляў. Мэта - будзем імкнуцца да перамогі", - сказаў ён.

"На ралі было вельмі шмат хуткіх участкаў, на якіх барацьба ішла на секунды. Хацелася б бачыць больш складаныя трасы, каб мы маглі ў поўнай меры прадэманстраваць канкурэнтаздольнасць нашага аўтамабіля на бездарожжы, на цяжка праходных участках", - выказаў пажаданні кіраўнік каманды.

Ён таксама адзначыў высокую канкурэнцыю на трасах "Дакара" ў гэтым годзе. "Усе экіпажы ішлі ў роўным тэмпе, таму пракол кола або яшчэ больш значная паломка на такіх дыстанцыях падобны да катастрофы. Ты адразу выпадаеш з ліку прэтэндэнтаў на перамогу на гэтым этапе", - расказаў Сяргей Вязовіч.

"Што стала прычынай паломкі прывода аўтаматычнай каробкі перадач, нам яшчэ трэба будзе высветліць. Ёсць толькі меркаванні, агучваць якія пакуль дачасна", - адказаў на пытанне аб магчымых прычынах непаладкі свайго аўтамабіля кіраўнік "МАЗ-СПОРТаўта".

Сяргей Вязовіч са сваім экіпажам сышоў з дыстанцыі ралі-рэйду пасля пятага этапу з-за праблем з каробкай перадач. Па выніках "Дакара"-2021 экіпаж Аляксея Вішнеўскага заняў шостае месца ў генеральнай класіфікацыі сярод грузавікоў. Першыя тры месцы занялі расійскія экіпажы "КАМАЗ-майстар".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі