Фота з архіва
5 верасня, Мінск /Кар. БЕЛТА/. У Яраслаўлі матчам за Кубак Адкрыцця стартуе 18-ы сезон Кантынентальнай хакейнай лігі, паведамляе карэспандэнт БЕЛТА.
У першым матчы сезона-2025/26 сыдуцца дзеючыя фіналісты розыгрышу Кубка Гагарына - уладальнік трафея яраслаўскі "Лакаматыў" і віцэ-чэмпіён "Трактар" з Чэлябінска. Сустрэча ў спартыўным комплексе "Арэна-2000" пачнецца ў 19.00. Год таму Кубак Адкрыцця забралі хакеісты "Лакаматыва", якія абыгралі ў гасцях магнітагорскі "Металург" з лікам 3:2.
У параўнанні з сезонам-2024/25 колькасць каманд КХЛ скарацілася на адну - склад удзельнікаў лігі пакінуў падмаскоўны "Віцязь". У абедзвюх канферэнцыях згуляюць па 11 клубаў: для роўнай колькасці "Лада" з Тальяці перамясцілася з Усходу на Захад. "Куньлунь Рэд Стар" правёў маштабны рэбрэндынг і з гэтага часу называецца "Шанхай Дрэганс".
У "гладкім" чэмпіянаце кожная каманда згуляе па 68 матчаў. Рэгулярка прадоўжыцца з 5 верасня 2025 года па 20 сакавіка 2026 года, гульні плэй-оф будуць праходзіць у перыяд з 23 сакавіка па 23 мая. У календары прадугледжаны тры паўзы: з 8 па 15 снежня (на Кубак Першага Канала), з 31 снежня па 2 студзеня (навагодняя) і з 6 па 9 лютага (на Матч зорак).
Мінскае "Дынама" адкрые сезон 9 верасня ў гасцях у маскоўскага "Спартака". Першы дамашні паядынак "зубры" правядуць 22 верасня супраць "Барыса". У новым чэмпіянаце трэнер сталічнага клуба Дзмітрый Квартальнаў і капітан Андрэй Стась могуць дабрацца да адзнакі 1000 матчаў у лізе, а форвард "Дынама" Вадзім Шыпачоў можа першым у гісторыі набраць 1000 ачкоў за кар'еру ў КХЛ.-0-
У першым матчы сезона-2025/26 сыдуцца дзеючыя фіналісты розыгрышу Кубка Гагарына - уладальнік трафея яраслаўскі "Лакаматыў" і віцэ-чэмпіён "Трактар" з Чэлябінска. Сустрэча ў спартыўным комплексе "Арэна-2000" пачнецца ў 19.00. Год таму Кубак Адкрыцця забралі хакеісты "Лакаматыва", якія абыгралі ў гасцях магнітагорскі "Металург" з лікам 3:2.
У параўнанні з сезонам-2024/25 колькасць каманд КХЛ скарацілася на адну - склад удзельнікаў лігі пакінуў падмаскоўны "Віцязь". У абедзвюх канферэнцыях згуляюць па 11 клубаў: для роўнай колькасці "Лада" з Тальяці перамясцілася з Усходу на Захад. "Куньлунь Рэд Стар" правёў маштабны рэбрэндынг і з гэтага часу называецца "Шанхай Дрэганс".
У "гладкім" чэмпіянаце кожная каманда згуляе па 68 матчаў. Рэгулярка прадоўжыцца з 5 верасня 2025 года па 20 сакавіка 2026 года, гульні плэй-оф будуць праходзіць у перыяд з 23 сакавіка па 23 мая. У календары прадугледжаны тры паўзы: з 8 па 15 снежня (на Кубак Першага Канала), з 31 снежня па 2 студзеня (навагодняя) і з 6 па 9 лютага (на Матч зорак).
Мінскае "Дынама" адкрые сезон 9 верасня ў гасцях у маскоўскага "Спартака". Першы дамашні паядынак "зубры" правядуць 22 верасня супраць "Барыса". У новым чэмпіянаце трэнер сталічнага клуба Дзмітрый Квартальнаў і капітан Андрэй Стась могуць дабрацца да адзнакі 1000 матчаў у лізе, а форвард "Дынама" Вадзім Шыпачоў можа першым у гісторыі набраць 1000 ачкоў за кар'еру ў КХЛ.-0-
Падпісвайцеся на нас у
