8 кастрычніка, Мінск /Кар. БЕЛТА/. Галоўны трэнер зборнай Беларусі па футболе Міхаіл Мархель назваў канчатковы склад на адборачныя матчы чэмпіянату Еўропы-2020 з камандамі Эстоніі (10 кастрычніка) і Нідэрландаў (13 кастрычніка), паведамілі карэспандэнту БЕЛТА ў прэс-службе Беларускай федэрацыі футбола.
Збор нацыянальнай каманды прадоўжыцца з 7 па 13 кастрычніка. У канчатковы спіс уключаны 23 футбалісты:
варатары: Аляксандр Гутар ("Дынама-Брэст"), Антон Чычкан (БАТЭ Барысаў), Ягор Хаткевіч ("Іслач");
абаронцы: Аляксандр Мартыновіч ("Краснадар", Расія), Дзяніс Палякоў ("Урал", Екацярынбург, Расія), Сяргей Паліцевіч ("Кайрат", Алматы, Казахстан), Алег Вераціла ("Дынама-Брэст"), Сяргей Матвейчык ("Шахцёр", Салігорск), Захар Волкаў (БАТЭ, Барысаў), Мікіта Навумаў ("Жэтысу", Талдыкарган, Казахстан), Мікалай Золатаў ("Віцебск");
паўабаронцы: Станіслав Драгун, Ігар Стасевіч, Яўген Яблонскі (усе - БАТЭ, Барысаў), Павел Савіцкі ("Дынама-Брэст"), Юрый Кавалёў, Макс Эбанг (абодва - "Шахцёр", Салігорск), Іван Маеўскі ("Астана", Казахстан), Іван Бахар, Яўген Шаўчэнка (абодва - "Мінск");
нападаючыя: Дзяніс Лапцеў ("Дынама-Брэст"), Максім Скавыш (БАТЭ, Барысаў), Віталь Лісаковіч ("Вараждзін", Харватыя).-0-
