8 красавіка, Мінск /Кар. БЕЛТА/. Іспанскі спецыяліст Манола Кадэнас пакінуў пасаду галоўнага трэнера Брэсцкага гандбольнага клуба імя Мяшкова, паведамляе карэспандэнт БЕЛТА.
У інфармацыі, размешчанай на афіцыйным сайце БГК, гаворыцца, што кіраўніцтва клуба падтрымала просьбу Манола Кадэнаса аб датэрміновым скасаванні кантракта з ім у сувязі з рашэннем трэнера сканцэнтравацца на рабоце з нацыянальнай зборнай Аргенціны. Выконваючым абавязкі галоўнага трэнера БГК імя Мяшкова назначаны іспанец Рауль Алонса, які быў адным з асістэнтаў Манола Кадэнаса.
Манола Кадэнас узначаліў брэсцкую каманду летам 2018 года. Пад яго кіраўніцтвам БГК выйшаў у 1/8 фіналу Лігі чэмпіёнаў, стаў чэмпіёнам Беларусі і заняў 3-е месца ў SEHA-лізе.-0-