25 верасня, Мінск /Кар. БЕЛТА/. Каардынацыйная камісія МАК і аргкамітэт Алімпіяды ў Токіа ўзгаднілі меры па спрашчэнні Гульняў у 2021 годзе. Такая інфармацыя размешчана на афіцыйным сайце Міжнароднага алімпійскага камітэта, паведамляе БЕЛТА.
"Улічваючы бягучы стан спраў у свеце, мы абмеркавалі, як мы зможам правесці бяспечныя і надзейныя Гульні, якія змогуць заваяваць грамадскае прызнанне ў гэты няпросты час, - сказаў старшыня аргкамітэта "Токіа-2020" Ёсіра Моры. - Гэты працэс прынясе карысць грамадству будучага - ён стане ўзорам для пераймання для будучых глабальных падзей, паколькі людзі адаптуюцца да новага нармальнага жыцця. Мы будзем прадаўжаць упарта працаваць над спрашчэннямі і ў наступным годзе".
Усяго ўзгоднена больш за 50 мер, якія дадуць магчымасць максімальна зменшыць затраты і павысіць эфектыўнасць правядзення Алімпіяды ў Токіа. Прыкладамі першапачатковых мер з'яўляюцца скарачэнне колькасці афіцыйных асоб, якія наведваюць мультыспартыўны форум, аптымізацыя транспартных паслуг, карэкціроўка дзейнасці гледачоў на месцах правядзення спаборніцтваў і правядзенне шэрага сустрэч перад Гульнямі ў рэжыме анлайн.
Аргкамітэт "Токіа-2020" прадставіць інфармацыю аб папярэдняй эканоміі сродкаў на нарадзе выканаўчага савета МАК у кастрычніку.
Акрамя таго, каардынацыйная камісія МАК азнаёмілася з абноўленай інфармацыяй аб планаванні мер процідзеяння COVID-19, неабходных для аховы здароўя ўсіх удзельнікаў Гульняў. Магчымыя контрмеры былі згрупаваны па сямі напрамках: паездкі/доступ у краіну, фізічнае дыстанцыраванне, сродкі індывідуальнай аховы/прыбіранне, ежа і напіткі, тэсціраванне/адсочванне/ізаляцыя, інфармацыйнае забеспячэнне і вакцыны.
Алімпійскія гульні ў Токіа павінны прайсці з 23 ліпеня па 8 жніўня 2021 года.-0-
