9 лістапада, Мінск /Кар. БЕЛТА/. Футбалісты нацыянальнай зборнай Беларусі пачалі падрыхтоўку да двух заключных матчаў гэтага сезона, паведамляе карэспандэнт БЕЛТА.
Незадоўга да пачатку вучэбна-трэніровачнага збору ў камандзе адбылося адно змяненне - замест траўміраванага абаронцы салігорскага "Шахцёра" Рамана Бегунова выкліканы яго калега па амплуа з "Гомеля" Дзяніс Лявіцкі. Такім чынам, на палях тэхнічнага цэнтра асацыяцыі "Беларуская федэрацыя футбола" ў Вяснянцы пад кіраўніцтвам галоўнага трэнера Георгія Кандрацьева трэніруюцца 23 ігракі:
варатары - Сяргей Чэрнік ("Шахцёр", Салігорск), Ягор Хаткевіч ("Дынама", Мінск), Павел Паўлючэнка ("Рух", Брэст);
абаронцы - Максім Швяцоў, Мікіта Навумаў (абодва - "Дынама", Мінск), Раман Юзапчук, Кірыл Пячэнін (абодва - "Рух", Брэст), Глеб Шаўчэнка ("Шахцёр", Салігорск), Руслан Юдзянкоў ("Гомель"), Арцём Сокал ("Энергетык-БДУ", Мінск), Мікалай Золатаў ("Колас", Кавалёўка, Украіна), Дзяніс Лявіцкі ("Гомель");
паўабаронцы - Уладзіслаў Клімовіч, Іван Бахар, Аляксандр Сялява (усе - "Дынама", Мінск), Яўген Яблонскі (БАТЭ, Барысаў), Павел Сядзько ("Тарпеда", Масква, Расія), Макс Эбонг ("Астана", Нур-Султан, Казахстан), Арцём Канцавой ("Рух", Брэст), Руслан Лісаковіч ("Іслач", Мінскі раён);
нападаючыя - Віталь Лісаковіч ("Лакаматыў", Масква, Расія), Дзмітрый Анцілеўскі ("Тарпеда-БелАЗ", Жодзіна), Андрэй Салавей ("Гомель").
Раніцай 12 лістапада беларусы адправяцца ў Кардыф, дзе на наступны дзень правядуць апошні матч адборачнага турніру чэмпіянату свету 2022 года супраць каманды Уэльса. У першым крузе спаборніцтваў кваліфікацыйнай групы Е беларусы ўступілі валійцам у Казані з лікам 2:3. Каманда Беларусі ўжо страціла ўсе шанцы выйсці з групы, а футбалісты Уэльса прадаўжаюць барацьбу за выхад у фінальную стадыю сусветнага першынства. Становішча каманд у групе Е цяпер такое: Бельгія - 16 ачкоў (6 матчаў), Чэхія - 11 (7), Уэльс - 11 (6), Эстонія - 4 (6), Беларусь - 3 (7).
Пасля вяртання з Кардыфа беларуская зборная 16 лістапада правядзе на полі мінскага стадыёна "Дынама" таварыскі матч з нацыянальнай камандай Іарданіі.-0-
