Іван Літвіновіч. Фота Беларускай асацыяцыі гімнастыкі
7 лістапада, Мінск /Кар. БЕЛТА/. Шасцёра беларускіх спартсменаў сталі паўфіналістамі чэмпіянату свету па скачках на батуце ў Іспаніі ў індывідуальным заліку, паведамляе карэспандэнт БЕЛТА.
Удзел у мужчынскай кваліфікацыі прынялі 90 батутыстаў, у тым ліку чатыры беларусы. Лепшы рэзультат паказаў двухразовы алімпійскі чэмпіён і ўладальнік Кубка свету Іван Літвіновіч, які набраў рэкордныя ў сезоне 67,290 бала. У наступную стадыю спаборніцтваў выйшлі 24 спартсмены, беларусы Станіслаў Яскевіч і Андрэй Буйлоў занялі 7-е і 8-е месцы адпаведна. Яшчэ адзін наш скакун Себасцьян Станкевіч стаў дзявятым, але аказаўся па-за паўфіналам з-за ліміту тры ўдзельнікі ад адной краіны.
У дзяўчат за праходжанне далей змагаліся 74 спартсменкі. У дзясятку лепшых таксама трапілі тры беларускі: Яна Лебедзева набрала другую суму, Кацярына Яршова - пятую, Віялета Бардзілоўская - дзявятую. Злата Мініяхметава стала 21-й, завяршыўшы тым самым выступленні ў асабістым заліку. Паўфіналы ў мужчын і жанчын адбудуцца 8 лістапада, медалі ў асабістым турніры будуць разыграны ў нядзелю.
Паралельна 6 лістапада адбылася кваліфікацыя ў камандным першынстве. У юнакоў беларускі квартэт выйшаў у фінал з першага месца, сярод дзяўчат наша чацвёрка размясцілася на другім радку ўслед за расіянкамі. Пераможцы і прызёры ў гэтым відзе праграмы вызначацца ў суботу. Усяго чэмпіянат свету па скачках на батуце ў Іспаніі сабраў каля 400 атлетаў з 40 краін.-0-
Удзел у мужчынскай кваліфікацыі прынялі 90 батутыстаў, у тым ліку чатыры беларусы. Лепшы рэзультат паказаў двухразовы алімпійскі чэмпіён і ўладальнік Кубка свету Іван Літвіновіч, які набраў рэкордныя ў сезоне 67,290 бала. У наступную стадыю спаборніцтваў выйшлі 24 спартсмены, беларусы Станіслаў Яскевіч і Андрэй Буйлоў занялі 7-е і 8-е месцы адпаведна. Яшчэ адзін наш скакун Себасцьян Станкевіч стаў дзявятым, але аказаўся па-за паўфіналам з-за ліміту тры ўдзельнікі ад адной краіны.
У дзяўчат за праходжанне далей змагаліся 74 спартсменкі. У дзясятку лепшых таксама трапілі тры беларускі: Яна Лебедзева набрала другую суму, Кацярына Яршова - пятую, Віялета Бардзілоўская - дзявятую. Злата Мініяхметава стала 21-й, завяршыўшы тым самым выступленні ў асабістым заліку. Паўфіналы ў мужчын і жанчын адбудуцца 8 лістапада, медалі ў асабістым турніры будуць разыграны ў нядзелю.
Паралельна 6 лістапада адбылася кваліфікацыя ў камандным першынстве. У юнакоў беларускі квартэт выйшаў у фінал з першага месца, сярод дзяўчат наша чацвёрка размясцілася на другім радку ўслед за расіянкамі. Пераможцы і прызёры ў гэтым відзе праграмы вызначацца ў суботу. Усяго чэмпіянат свету па скачках на батуце ў Іспаніі сабраў каля 400 атлетаў з 40 краін.-0-
Падпісвайцеся на нас у
