13 верасня, Мінск /Кар. БЕЛТА/. У чатырох групах футбольнай Лігі чэмпіёнаў сёння пройдуць матчы другога тура, паведамляе карэспандэнт БЕЛТА.
У квартэце С чэшская "Вікторыя" (Пльзень) у 19.45 згуляе на сваім полі з італьянскім "Інтэрам". У стартавым туры абедзве каманды прайгралі: чэмпіёны Чэхіі пацярпелі значнае паражэнне ў гасцях у іспанскай "Барселоны" - 1:5, а іх сённяшнія сапернікі ўступілі ў Мілане мюнхенскай "Баварыі" з лікам 0:2. Таксама сёння фаварыты гэтага квартэта сустрэнуцца на полі чэмпіёнаў Германіі (пачатак у 22.00).
У групе D лісабонскі "Спортынг" сустрэнецца ў партугальскай сталіцы з англійскім "Тотэнхэмам" (пачатак у 19.45). У першы гульнявы дзень партугальскі клуб нечакана разграміў ў Франкфурце нямецкі "Айнтрахт" - 3:0, а англічане перамаглі ў Лондане французскі "Марсэль" - 2:0. Няўдачнікі стартавага тура згуляюць паміж сабой у Марсэлі (пачатак у 22.00).
Таксама сёння пройдуць сустрэчы яшчэ ў дзвюх групах:
А - "Ліверпуль" (Англія) - "Аякс" (Амстэрдам, Нідэрланды);
В - "Баер" (Леверкузен, Германія) - "Атлетыка" (Мадрыд, Іспанія), "Порту" (Партугалія) - "Бруге" (Бельгія).
Астатнія паядынкі другога тура пройдуць заўтра:
А - "Глазга Рэйнджэрс" (Шатландыя) - "Напалі" (Італія);
Е - "Мілан" (Італія) - "Дынама" (Заграб, Харватыя), "Чэлсі" (Лондан, Англія) - "Зальцбург" (Аўстрыя);
F - "Шахцёр" (Данецк, Украіна) - "Селтык" (Глазга, Шатландыя), "Рэал" (Мадрыд, Іспанія) - "Лейпцыг" (Германія);
G - "Манчэстэр Сіці" (Англія) - "Барусія" (Дортмунд, Германія), "Капенгаген" (Данія) - "Севілья" (Іспанія);
Н - "Макабі" (Хайфа, Ізраіль) - "Пары Сен-Жэрмен" (Францыя), "Ювентус" (Турын, Італія) - "Бенфіка" (Лісабон, Партугалія).
Сустрэчы групавога этапу чэмпіёнскай Лігі завершацца 2 лістапада, у плэй-оф выйдуць па дзве лепшыя каманды з кожнага квартэта. Клубы, якія зоймуць трэція месцы, прадоўжаць выступленне ў другім па значнасці турніры - Лізе Еўропы. Фінал Лігі чэмпіёнаў намечана правесці 10 чэрвеня 2023 года ў Стамбуле.-0-
