Фота Pexels
21 студзеня, Мінск /Кар. БЕЛТА/. Матчы перадапошняга тура пройдуць сёння ў агульным этапе футбольнай Лігі чэмпіёнаў. Пакуль толькі два клубы гарантавалі сабе месцы ў плэй-оф, паведамляе карэспандэнт БЕЛТА.
Лідар турніру англійскі "Ліверпуль", які набраў у шасці паядынках 18 ачкоў з 18 магчымых, згуляе на сваім полі з французскім "Лілем", у якога на пяць балаў менш. Футбалісты іспанскай "Барселоны" (15 ачкоў), якія разам з ліверпульскай камандай забяспечылі сабе выхад у накаўт-раўнд, згуляюць у Лісабоне з партугальскай "Бенфікай" (10).
Таксама сёння нямецкі "Баер" (13) сустрэнецца ў іспанскай сталіцы з мадрыдскім "Атлетыка" (12), англійская "Астон Віла" (13) будзе сапернічаць на выездзе з футбалістамі "Манака" (10), італьянскі "Ювентус" (11) згуляе ў гасцях у бельгійскага "Бруге" (10), у Бергама італьянская "Аталанта" (11) прыме аўстрыйскі "Штурм" (3), нямецкая "Барусія" з Дортмунда (12) сустрэнецца ў гасцях з італьянскай "Балонняй" (2), у Бялградзе сербская "Црвена Звезда" (3) згуляе з нідэрландскім ПСВ (8), а ў Браціславе славацкі "Слован" (0) паспрабуе набраць першыя ачкі ў матчы з нямецкім "Штутгартам" (7). Яшчэ дзевяць сустрэч 7-га тура пройдуць у сераду, 22 студзеня. Бамбардзірскую гонку ЛЧ узначальвае польскі нападаючы "Барселоны" Роберт Левандоўскі, які 7 разоў паражаў вароты сапернікаў.
Заключныя паядынкі агульнага этапу чэмпіёнскай Лігі адбудуцца 29 студзеня, пасля чаго восем лепшых клубаў адразу выйдуць у 1/8 фіналу. За астатнія восем пуцёвак паспаборнічаюць каманды, якія зоймуць 9-24-я месцы. Фінальны паядынак 70-га па ліку галоўнага клубнага турніру Еўропы адбудзецца 31 мая ў Мюнхене.-0-
Лідар турніру англійскі "Ліверпуль", які набраў у шасці паядынках 18 ачкоў з 18 магчымых, згуляе на сваім полі з французскім "Лілем", у якога на пяць балаў менш. Футбалісты іспанскай "Барселоны" (15 ачкоў), якія разам з ліверпульскай камандай забяспечылі сабе выхад у накаўт-раўнд, згуляюць у Лісабоне з партугальскай "Бенфікай" (10).
Таксама сёння нямецкі "Баер" (13) сустрэнецца ў іспанскай сталіцы з мадрыдскім "Атлетыка" (12), англійская "Астон Віла" (13) будзе сапернічаць на выездзе з футбалістамі "Манака" (10), італьянскі "Ювентус" (11) згуляе ў гасцях у бельгійскага "Бруге" (10), у Бергама італьянская "Аталанта" (11) прыме аўстрыйскі "Штурм" (3), нямецкая "Барусія" з Дортмунда (12) сустрэнецца ў гасцях з італьянскай "Балонняй" (2), у Бялградзе сербская "Црвена Звезда" (3) згуляе з нідэрландскім ПСВ (8), а ў Браціславе славацкі "Слован" (0) паспрабуе набраць першыя ачкі ў матчы з нямецкім "Штутгартам" (7). Яшчэ дзевяць сустрэч 7-га тура пройдуць у сераду, 22 студзеня. Бамбардзірскую гонку ЛЧ узначальвае польскі нападаючы "Барселоны" Роберт Левандоўскі, які 7 разоў паражаў вароты сапернікаў.
Заключныя паядынкі агульнага этапу чэмпіёнскай Лігі адбудуцца 29 студзеня, пасля чаго восем лепшых клубаў адразу выйдуць у 1/8 фіналу. За астатнія восем пуцёвак паспаборнічаюць каманды, якія зоймуць 9-24-я месцы. Фінальны паядынак 70-га па ліку галоўнага клубнага турніру Еўропы адбудзецца 31 мая ў Мюнхене.-0-
Падпісвайцеся на нас у
