15 лютага, Пекін /Кар. БЕЛТА/. Трэнеры жаночай зборнай Беларусі назвалі біятланістак, якія заўтра прымуць удзел у алімпійскай эстафетнай гонцы 4х6 км, паведамілі БЕЛТА ў прэс-службе НАК.
На першым этапе выступіць Ірына Лешчанка, у яе эстафету прыме яшчэ адна алімпійская чэмпіёнка АГ-2018 Дзінара Алімбекава, следам за ёй на лыжню выйдзе Алена Кручынкіна, а фінішаваць будзе Ганна Сола. Чатыры гады таму ў Пхёнчхане беларускія біятланісткі Дар'я Домрачава, Надзея Скардзіна, Дзінара Алімбекава і Ірына Лешчанка (Крыўко) выйгралі алімпійскую эстафетную гонку.
Старт заўтрашняй эстафеты на алімпійскай трасе ў Чжанцзякоў будзе дадзены ў 10.45 па мінскім часе. У ёй прымуць удзел 20 каманд, у беларускай зборнай шостая стартавая пазіцыя.-0-