9 ліпеня, Мінск /Кар. БЕЛТА/. Беларускі лёгкаатлет Дзмітрый Карпук стаў пераможцам чэмпіянату Еўропы сярод спартсменаў не старэйшых за 23 гады, паведамілі БЕЛТА ў прэс-службе Беларускай федэрацыі лёгкай атлетыкі.
Чэмпіянат стартаваў у Таліне. Ураджэнцу Кобрынскага раёна не было роўных у штурханні ядра. У сваёй лепшай спробе Дзмітрый Карпук зафіксаваў рэзультат на адзнацы 20 м 33 см.
Мог скласці яму кампанію на п'едэстале яшчэ адзін беларускі атлет Алег Тамашэвіч, які да шостай спробы ішоў на трэцяй пазіцыі ў прамежкавым пратаколе. Але ў выніку яго апярэдзіў грэк Адысеас Музенідыс - 19 м 41 см. Сярэбраным прызёрам маладзёжнага кантынентальнага форуму стаў турэцкі спартсмен Алерэн Карахан - 19 м 75 см.
Спаборніцтвы прадаўжаюцца.-0-
