7 лютага, Пекін /Кар. БЕЛТА/. Чацвёра беларускіх біятланістаў прымуць удзел у заўтрашняй алімпійскай індывідуальнай гонцы на 20 км, паведамляе карэспандэнт БЕЛТА.
Першым з іх на трасу ў Чжанцзякоу выйдзе Дзмітрый Лазоўскі, у якога 14-ы стартавы нумар. Лідар беларускай каманды Антон Смольскі атрымаў 28-ы нумар, у Максіма Вараб'я 51-я стартавая пазіцыя, Мікіта Лабастаў адправіўся на дыстанцыю 73-м. Усяго ў стартавы пратакол унесены прозвішчы 92-х страляючых лыжнікаў.
Мужчынская індывідуальная гонка на 20 км з чатырма агнявымі рубяжамі пачнецца заўтра ў 11.30 па мінскім часе. У сённяшняй жаночай гонцы лепшай з квартэта беларускіх біятланістак была Дзінара Алімбекава, якая заняла 5-е месца.-0-
