Квартальнаў аб паражэнні "Дынама" ад ЦСКА: нядрэнна гулялі, але пара памылак не дазволіла перамагчы

25 студзеня, Мінск /Кар. БЕЛТА/. Галоўны трэнер хакейнага мінскага "Дынама" Дзмітрый Квартальнаў падвёў вынікі выязнога матчу "зуброў" супраць маскоўскага ЦСКА ў рэгулярным чэмпіянаце КХЛ, паведамляе карэспандэнт БЕЛТА.

Паядынак "зуброў" і армейцаў у Маскве скончыўся перамогай гаспадароў лёду - 2:1. У час сустрэчы дынамаўцы вялі ў ліку дзякуючы шайбе Танера Фрыца, якая стала для форварда першай у форме мінскага клуба.

"ЦСКА абыграў нас на класе, выкарыстаўшы ўсяго пару момантаў. Добры матч, я падзякаваў хлопцам за барацьбу, мы ў цэлым нядрэнна гулялі, але пара памылак не дазволіла перамагчы. Другі перыяд быў за намі, мы правялі яго лепш, дамінавалі, але ўсё роўна ўступілі. У саперніка моцны варатар, добра згуляў, - адзначыў Квартальнаў. - Аб плэй-оф мы пакуль не думаем, туды яшчэ трэба прабіцца. Наперадзе няпростая гульня. Здорава, што маладыя ігракі трапляюць у асноўны склад. Мы ўсё яшчэ будуем каманду, хочам паляпшаць пэўныя моманты. Дзесьці атрымліваецца, дзесьці пакуль не вельмі".

Заключны паядынак у гэтай выязной серыі мінскае "Дынама" правядзе ў Яраслаўлі 26 студзеня, сапернікам "зуброў" будзе лідар Заходняй канферэнцыі "Лакаматыў".-0-