ДЗЯРЖОРГАНЫДЗЯРЖОРГАНЫ
Пятніца, 23 кастрычніка 2020
Мінск Пераменная воблачнасць +11°C
Усе навіны
Усе навіны
Спорт
15 кастрычніка 2020, 09:54

Кіраўнік IIHF падкрэсліў імкненне правесці чэмпіянат свету па хакеі ў Мінску і Рызе

Фота hockey.by
Фота hockey.by

15 кастрычніка, Мінск /Кар. БЕЛТА/. 14 кастрычніка раніцай адбылася ZOOM-канферэнцыя старшыні федэрацыі хакея Беларусі Дзмітрыя Баскава і прэзідэнта Міжнароднай федэрацыі хакея (IIHF) Рэнэ Фазеля. Такая інфармацыя размешчана на афіцыйным сайце федэрацыі хакея Беларусі, паведамляе БЕЛТА.

Абмяркоўваліся падрыхтоўка да чэмпіянату свету па хакеі, які павінен прайсці ў Мінску і Рызе з 21 мая па 6 чэрвеня 2021 года, а таксама сітуацыя з іншымі турнірамі пад эгідай IIHF, запланаванымі на бягучы спартыўны сезон.

"Мы даволі канструктыўна паразмаўлялі з кіраўніком IIHF. Рэнэ Фазель чарговы раз падкрэсліў імкненне Міжнароднай федэрацыі хакея правесці чэмпіянат свету ў Мінску і Рызе", - адзначыў Дзмітрый Баскаў, падводзячы вынік размовы.

Узнімаліся таксама пытанні, звязаныя з магчымай неабходнасцю ўвядзення проціэпідэміялагічных мер для ўдзельнікаў і гасцей турніру ў сувязі з пагаршэннем сітуацыі з COVID-19 у Еўропе. "У любым выпадку мы гатовы да любога сцэнарыя правядзення чэмпіянату свету і прадаўжаем падрыхтоўку да яго разам з нашымі латвійскімі партнёрамі", - дадаў старшыня федэрацыі хакея Беларусі.

Кіраўнік ФХБ запрасіў Рэнэ Фазеля ў Мінск для ацэнкі гатоўнасці сталіцы да маючага адбыцца форуму.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі