Мабільная версія
ДЗЯРЖОРГАНЫ

Апошнія навіны
Усе навіны

Кавальчук: на II Еўрапейскія гульні беларускія атлеты ставяць амбіцыйныя мэты

Спорт 15.04.2019 | 16:34
Сяргей Кавальчук. Фота з архіва
Сяргей Кавальчук. Фота з архіва

15 красавіка, Мінск /Кар. БЕЛТА/. На II Еўрапейскія гульні беларускія атлеты ставяць амбіцыйныя мэты. Аб гэтым заявіў сёння журналістам міністр спорту і турызму Сяргей Кавальчук пасля пасяджэння Выканкама Нацыянальнага алімпійскага камітэта Беларусі, перадае карэспандэнт БЕЛТА.

Адказваючы на пытанні аб ходзе падрыхтоўкі да галоўнай спартыўнай падзеі гэтага года - II Еўрапейскіх гульняў, міністр сказаў, што ў відах спорту, якія будуць прадстаўлены на маючым адбыцца ў чэрвені мультыспартыўным форуме, беларускія атлеты паказваюць высокія рэзультаты. "Правялі аналіз, магу сказаць, што ў 2017 годзе ў дзесяці відах спорту, якія будуць прадстаўлены на Гульнях, заваяваны на чэмпіянаце Еўропы 51 медаль, у 2018-м - 50. На II Еўрапейскія гульні беларускія атлеты ставяць амбіцыйныя мэты. Ад дамашніх Еўрапейскіх гульняў усе чакаюць дастойнага выступлення спартсменаў. Цяпер усе знаходзяцца ў высокай ступені гатоўнасці на завяршальнай стадыі падрыхтоўкі да будучых стартаў", - адзначыў Сяргей Кавальчук.

На пасяджэнні Выканкама НАК закраналася і пытанне ўзаемадзеяння спартыўных федэрацый. Міністр спорту і турызму падкрэсліў, што работу гэтых грамадскіх арганізацый неабходна будаваць сістэмна, павінен быць наладжаны абмен вопытам, у тым ліку і з Нацыянальным алімпійскім камітэтам.

Мінск быў выбраны сталіцай II Еўрапейскіх гульняў на пасяджэнні Генеральнай асамблеі Еўрапейскіх алімпійскіх камітэтаў 21 кастрычніка 2016 года. З 21 па 30 чэрвеня 2019 года будзе разыграна 199 камплектаў медалёў у 23 спартыўных дысцыплінах па 15 відах спорту.

Цяпер падрыхтоўку да Еўрапейскіх гульняў вядуць 269 беларускіх атлетаў.

Удзельнікам Еўрапейскіх гульняў у Мінску ў некаторых відах спорту будзе прадастаўлена магчымасць выканання кваліфікацыйных нарматываў і патрабаванняў да XXVIII летніх Алімпійскіх гульняў у Токіа.

Беларускія спартсмены на I Еўрапейскіх гульнях у Баку ў 2015 годзе заваявалі 43 узнагароды, у тым ліку 10 залатых, 11 сярэбраных і 22 бронзавыя медалі.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь у рэйтынгу дзяржаў па індэксе развіцця чалавека Штогадовыя глабальныя даклады аб чалавечым развіцці публікуюцца ПРААН з 1990 года.