Сяргей Кавальчук
30 мая, Мінск /Кар. БЕЛТА/. Міністр спорту і турызму Беларусі Сяргей Кавальчук назваў паспяховым выступленне нацыянальнай каманды па біятлоне ў сезоне-2023/24, паведамляе карэспандэнт БЕЛТА.
Ушаноўванне мацнейшых біятланістаў краіны адбылося сёння ў РЦАП па зімовых відах спорту "Раўбічы". У праведзеным сезоне нашы атлеты заваявалі 28 медалёў міжнародных турніраў, сярод іх 10 залатых. Галоўнай падзеяй зімы стала перамога Антона Смольскага ў агульным заліку розыгрышу Кубка Садружнасці.
"Сёння адбылася атэстацыя нашай каманды па біятлоне па выніках мінулага сезона, быў праведзены падрабязны разбор выступленняў на этапах Кубка Садружнасці, чэмпіянатах Расіі і Беларусі. З улікам гэтых рэзультатаў мы ўзнагародзілі атлетаў, якія найбольш вызначыліся, трэнераў і членаў абслуговага персаналу, якія забяспечвалі работу нацыянальнай каманды. Публічная ацэнка работы спартсмена, на наш погляд, стымулюе іх паказваць больш высокія рэзультаты", - лічыць Сяргей Кавальчук.
На думку кіраўніка Мінспорту, за мінулы сезон біятланісты заслужылі добрую ацэнку. "Мужчынская палавіна выступіла лепш, але рэзультаты дзяўчат былі звязаны з аб'ектыўнымі прычынамі, у прыватнасці з нараджэннем дзяцей, што вельмі важна. З улікам гэтага мы з аптымізмам глядзім і ў будучыню нашай жаночай каманды таксама. На асобных этапах выдатна выступілі маладыя біятланісты. У цэлым сезон прызнаны паспяховым, але расслабляцца нельга. Наступны сезон будзе перадалімпійскім, трэба добра падрыхтавацца, каб дастойна прадставіць нашу краіну на Зімовых гульнях 2026 года. Часу засталося не так шмат", - рэзюмаваў Кавальчук.-0-
Фота Сяргея Шэлега
Падпісвайцеся на нас у
