ДЗЯРЖОРГАНЫДЗЯРЖОРГАНЫ
Флаг Аўторак, 6 чэрвеня 2023
Мінск Ясна +21°C
Усе навіны
Усе навіны
Спорт
10 лістапада 2022, 20:00

Кавальчук: Беларусь і Расія гарманічна дапаўняюць адна адну ў спорце

Сяргей Кавальчук. Фота з архіва
Сяргей Кавальчук. Фота з архіва

10 лістапада, Мінск /Кар. БЕЛТА/. Узаемадзеянне Беларусі і Расіі ў сферы спорту з'яўляецца правільным шляхом развіцця, заявіў міністр спорту і турызму Сяргей Кавальчук у ходзе афіцыйнага візіту міністэрстваў спорту Беларусі і Расіі ў Смаленск.

"Той фармат, які мы прынялі два гады таму, аказаўся правільным, таму што мы змаглі аператыўна ўнесці ўсе карэктывы ў перыяд процідзеяння санкцыям. Сумесныя калегіі мінспорту ўжо даюць вынік, мы абмяркоўваем розныя фарматы ўзаемадзеяння. Прыкладам таго можа быць біятлон - пасля адхілення нашых спартсменаў мы арганізавалі спаборніцтвы ва Уфе і ў Раўбічах, а ў гэтым годзе прайшоў ужо турнір па летнім біятлоне. Сучаснае пяцібор'е, мастацкая гімнастыка і іншыя віды спорту паказваюць нам прыклад такой арганізацыі. Расія і Беларусь гарманічна дапаўняюць адна адну, і нейкая гарманізацыя паміж намі адбываецца ў тым ліку і ў спорце", - сказаў міністр.

Таксама Сяргей Кавальчук адзначыў, што ўзаемадзеянне Беларусі і Расіі не абмяжоўваецца толькі рамкамі Саюзнай дзяржавы. "У нас быў прабел у дзіцячым, юнацкім і маладзёжным спорце, і мы яго ўстараняем, у нас вялікія перспектывы ў гэтых фарматах, мы пасеялі зерне, якое дасць добры вынік. Акрамя таго, у наступным годзе ў Беларусі будуць праходзіць другія Гульні краін СНД, мы з нецярпеннем чакаем гэтага і запрашаем усіх спартсменаў. Таксама на нашых калегіях абмяркоўваюцца іншыя фарматы ў рамках БРІКС і ШАС, мы не закрываемся, а, наадварот, стараемся праводзіць іх у больш шырокім фармаце. Я думаю, гэта дасць у перспектыве вынікі", - дадаў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі