ДЗЯРЖОРГАНЫДЗЯРЖОРГАНЫ
Серада, 21 красавіка 2021
Мінск Пераменная воблачнасць +9°C
Усе навіны
Усе навіны
Спорт
01 лютага 2021, 14:44

Кацярына Баравок і Уладзіслаў Рукляцоў сталі чэмпіёнамі Беларусі па настольным тэнісе

Фота БФНС
Фота БФНС

1 лютага, Мінск /Кар. БЕЛТА/. У мінскім Палацы тэніса вызначыліся чэмпіёны і прызёры асабовага чэмпіянату Беларусі па настольным тэнісе, паведамляе карэспандэнт БЕЛТА.

У фінальным паядынку жаночага адзіночнага разраду вопытная Кацярына Баравок упэўнена перамагла юную Веру Волкаву з "сухім" лікам 4:0. На працягу ўсяго чэмпіянату яго новаспечаная пераможца не прайграла ніводнай партыі, завяршыўшы ўсе свае паядынкі з рэзультатам 4:0. Бронза ў Дар'і Трыгалас, якая перамагла Надзею Багданаву з лікам 4:2.

У мужчын чэмпіёнам таксама ўпершыню стаў Уладзіслаў Рукляцоў, які перамог у напружаным фінале Андрэя Мілаванава - 4:3. Пасля чатырох сэтаў Уладзіслаў Рукляцоў уступаў, але затым здолеў выйграць тры партыі запар і заваяваў залаты медаль нацыянальнага першынства. Бронзу атрымаў Аляксандр Ханін, які выйграў у Ільі Барболіна - 4:0.

У жаночым парным разрадзе перамогу святкавалі Дар'я Трыгалас і Надзя Багданава, якія выйгралі ў вырашальным матчы ў Кацярыны Баравок і Веры Волкавай - 3:0. Уладальніцамі бронзы сталі Дар'я Кісель і Карына Падражанец, якія перамаглі ў матчы за трэцяе месца Таццяну Чакавую і Дар'ю Васіленка з лікам 3:2.

Мужчынскі парны турнір выйгралі Уладзіслаў Рукляцоў і Аляксандр Ханін, якія ўзялі верх над Ільёй Барболіным і Андрэем Цярохіным - 3:2. Трэцяе месца занялі Мікалай Зражавец і Андрэй Лабанаў, якія перамаглі Георгія Кунаца і Міхаіла Цыганоўскага з лікам 3:1.

У фінале спаборніцтваў змешаных пар Дар'я Трыгалас і Аляксандр Ханін ва ўпартай барацьбе выйгралі ў Надзеі Багданавай і Уладзіслава Рукляцова - 3:2.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі