ДЗЯРЖОРГАНЫДЗЯРЖОРГАНЫ
Флаг Панядзелак, 8 жніўня 2022
Мінск Суцэльная воблачнасць +15°C
Усе навіны
Усе навіны
Спорт
01 лістапада 2021, 18:50

Кандрацьеў назваў склад футбалістаў зборнай Беларусі на лістападаўскія гульні

Фота з архіва
Фота з архіва

1 лістапада, Мінск /Кар. БЕЛТА/. Трэнерскі штаб футбольнай зборнай Беларусі вызначыўся са складам каманды на заключныя матчы сезона, паведамляе карэспандэнт БЕЛТА.

Пад кіраўніцтвам галоўнага трэнера нацыянальнай дружыны Георгія Кандрацьева да дзвюх лістападаўскіх сустрэч будуць рыхтавацца 23 ігракі:

варатары - Сяргей Чэрнік ("Шахцёр", Салігорск), Ягор Хаткевіч ("Дынама", Мінск), Павел Паўлючэнка ("Рух", Брэст);

абаронцы - Максім Швяцоў, Мікіта Навумаў (абодва - "Дынама", Мінск), Раман Юзапчук, Кірыл Пячэнін (абодва - "Рух", Брэст), Глеб Шаўчэнка, Раман Бегуноў (абодва - "Шахцёр", Салігорск), Руслан Юдзянкоў ("Гомель"), Арцём Сокал ("Энергетык-БДУ", Мінск), Мікалай Золатаў ("Колас", Кавалёўка, Украіна);

паўабаронцы - Уладзіслаў Клімовіч, Іван Бахар, Аляксандр Сялява (усе - "Дынама", Мінск), Яўген Яблонскі (БАТЭ, Барысаў), Павел Сядзько ("Тарпеда", Масква, Расія), Макс Эбонг ("Астана", Нур-Султан, Казахстан), Арцём Канцавой ("Рух", Брэст), Руслан Лісаковіч ("Іслач", Мінскі раён);

нападаючыя - Віталь Лісаковіч ("Лакаматыў", Масква, Расія), Дзмітрый Анцілеўскі ("Тарпеда-БелАЗ", Жодзіна), Андрэй Салавей ("Гомель").

Зборная Беларусі збярэцца ў Мінску 7 лістапада і будзе трэніравацца на палях тэхнічнага цэнтра асацыяцыі "Беларуская федэрацыя футбола" ў Вяснянцы. Раніцай 12 лістапада беларусы адправяцца ў Кардыф, дзе 13 лістапада правядуць апошні матч адборачнага турніру чэмпіянату свету 2022 года супраць каманды Уэльса. У першым крузе спаборніцтваў кваліфікацыйнай групы Е беларусы ўступілі валійцам у Казані з лікам 2:3. Каманда Беларусі ўжо страціла ўсе шанцы выйсці з групы, а футбалісты Уэльса прадаўжаюць барацьбу за выхад у фінальную стадыю сусветнага першынства. Становішча каманд у групе Е цяпер такое: Бельгія - 16 ачкоў (6 матчаў), Чэхія - 11 (7), Уэльс - 11 (6), Эстонія - 4 (6), Беларусь - 3 (7).

Пасля вяртання з Кардыфа беларуская зборная 16 лістапада правядзе на полі мінскага стадыёна "Дынама" таварыскі матч з нацыянальнай камандай Іарданіі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі